நேற்று இந்தியா தோற்றதைப் பார்த்தீர்களே.. இந்த ஹெலன்- கேட் ஜோடியைப் பாத்தீங்களா?

18 வயது முதல்

கேட்டும், ஹெலனும் 18 வயதிலிருந்தே நெருங்கிப் பழகி வந்துள்ளனர். இருவரும் ஆரம்பத்தில் நல்ல தோழியாக இருந்தனர். பின்னர் அவர்களுக்குள் புரிதல் அதிகமாகி இருவரும் காதலிக்க ஆரம்பித்தனர்.

திருமண பந்தம்

இருவரும் தீவிரமாக காதலிக்க ஆரம்பித்த பின்னர் திருமணம் செய்து கொள்ள முடிவெடுத்தனர். முறைப்படி 2013ம் ஆண்டு இவர்களுக்குத் திருமணமானது.

2008 முதல் ஜோடியாக விளையாடுகிறார்கள்

2008ம் ஆண்டு முதல் இருவரும் ஜோடியாக விளையாடி வருகின்றனர். இருவரும் தம்பதியாக ஒலிம்பிக் போட்டியில் பங்கேற்பது இதுதான் முதல் முறையாகும். கேட் அதிக போட்டிகளில் ஆடி பெருமை படைத்தவர்.

எங்களுக்குப் பிடித்துள்ளது

தங்களது பந்தம் குறித்து இருவரும் கூறுகையில், நாங்கள் யார் என்பது முக்கியமில்லை. எங்களுக்கு இது பிடித்துள்ளது. இருவரும் சந்தோஷமாக இருக்கிறோம். எங்களில் யார் ஆணின் வேலையைச் செய்வது, யார் பெண்ணாக செயல்படுவது என்ற பிரச்சினையே கிடையாது. இருவரும் சமம். இருவருக்கும் சந்தோஷம். அவ்வளவுதான் என்று கூறிச் சிரிக்கிறார்கள்.

இந்திய அணியை வீழ்த்திய ஜோடி

நேற்று இந்தியாவுடன் நடந்த மோதலில் இங்கிலாந்துதான் ஜெயித்தது. இப்போட்டியில் கேட் - ஹெலன் ஜோடியும் முக்கியப் பங்கு வகித்தது என்பது குறிப்பிடத்தக்கது.