மோனாகோ: சர்வதேச தடகள சம்மேளனத்தின் 2016-ம் ஆண்டுக்கான சிறந்த வீரருக்கான விருதைப் பெற்றுள்ளார் புகழ்பெற்ற தடகள வீரர் உசேன் போல்ட். இந்த விருதை அவர் 6-வது முறையாகப் பெறுகிறார்.
சர்வதேச தடகள சம்மேளனத்தின் சிறந்த வீரருக்கான விருதை 2008, 2009, 2011, 2012, 2013-ம் ஆண்டுகளில் பெற்றுள்ளார் போல்ட்.
2008 முதல் ஒலிம்பிக்கில் பங்கேற்று வரும் போல்ட் 100 மீ. ஓட்டத்தில் 3 தங்கம், 200 மீ. ஓட்டத்தில் 3 தங்கம், 100 மீ. தொடர் ஓட்டத்தில் 3 தங்கம் என மொத்தம் 9 தங்கப் பதக்கங்களை வென்றுள்ளார்.
இந்தச் சாதனை ஒலிம்பிக் வரலாற்றில் உடைக்க முடியாத ஒன்றாக அமையும். மேற்கண்ட 3 போட்டிகளிலுமே உலக சாதனையும் போல்ட் வசமேயுள்ளது. இதில் மகளிருக்கான விருது தடகள வீராங்கனை அல்மஸ் அயனாவுக்கு வழங்கப்பட்டுள்ளது.
6 கண்டங்களைச் சேர்ந்த நிபுணர்கள் தேர்வுக்குழுவில் இடம் பெற்றிருந்தனர். அவர்கள் பல்வேறு நாடுகளைச் சேர்ந்த 10 வீரர்களையும், 10 வீராங்கனைகளையும் தேர்வு செய்து வெளியிட்டுள்ளனர்.