லக்னோ : இந்திய மல்யுத்த வீராங்கனை வினேஷ் போகாட், ஒலிம்பிக்கில் பதக்கம் வெல்ல வேண்டும் என நினைத்தால், அதற்குரிய வசதிகளை செய்து கொடுக்க வேண்டும் என கூறியிருக்கிறார்.
தற்போது ஏசியன் கேம்ஸ் போட்டிகளுக்கு தன்னை தயார் செய்து வரும் மல்யுத்த வீராங்கனை வினேஷ், நான்கு வருடங்கள் முன்பு நடந்த ஏசியன் கேம்ஸில் இளம் வீராங்கனையாக பங்கேற்ற போது வெண்கலம் வென்றார். ஆனால், சமீபத்தில் நடந்த காமன்வெல்த் போட்டிகள், மற்றும் ஸ்பெயினின் கிராண்ட்பிரிக்ஸ் போன்ற விளையாட்டு தொடர்களில் தங்கம் வென்று அசத்தியுள்ளார்.