மனைவிக்கு ஒலிம்பிக்கில் "தங்கம்".. கணவருக்கு "ஆஸ்கர்" - நெகிழ வைக்கும் ஓரினச்சேர்க்கையாளர் தம்பதி

2008 முதல்

ஆம்! கடந்த 2008 முதல் ஒலிம்பிக்கில் பங்கேற்று வருகிறார் பிரிட்டனைச் சேர்ந்த டாம் டேலே. டைவிங் வீரரான டாம் 2008 மற்றும் 2012 ஒலிம்பிக்கில் வெண்கலப்பதக்கம் வென்றவர். ஆனால், தங்கம் வெல்ல வேண்டும் என்பதே இவரது ஒரே குறிக்கோள். இவர் 2008ல் ஒலிம்பிக் போட்டியில் பங்கேற்ற போது இவரது வயது வெறும் 14 தான். ஒலிம்பிக் இறுதிப் போட்டிக்கு தகுதிப் பெற்ற மிக இள வயது வீரர் எனும் சாதனையை இன்னும் தன் வசம் வைத்திருக்கிறார்.

brain tumour

ஆனால், இவரது தனிப்பட்ட வாழ்க்கை அவ்வளவு எளிதானதாக அமையவில்லை. இவர் அதிகம் நேசித்த இவரது தந்தை ராபர்ட், brain tumour காரணமாக, கடந்த 2011ம் ஆண்டு காலமானார். அதன்பிறகு கடினமாக மாறிய இவரது வாழ்க்கையில், தான் ஒரு ஓரினச் சேர்க்கையாளர் என்பதை அவர் மெல்ல மெல்ல உணரத் தொடங்கினார்.

மில்க்

பிறகு, டஸ்டின் லான்ஸ பிளாக் என்பவரை எட்டு வருடங்களுக்கு முன்பு திருமணம் செய்து கொண்டார் டாம் டேலே. பிளாக் ஒரு ஆஸ்கர் விருது பெற்ற திரைக்கதை எழுத்தாளர், இயக்குனர், தயாரிப்பாளர் மற்றும் LGBTQ + ஆர்வலர் ஆவார். அமெரிக்க வாழ்க்கை வரலாற்று திரைப்படமான "மில்க்" இல் பணியாற்றியதற்காக மிகவும் பிரபலமானவர்.

உத்வேகம்

அதாவது, டாம் டேலே மனைவியாகவும், பிளாக் கணவராகவும் திருமண வாழ்க்கையில் இணைந்து வாழ்ந்து வருகின்றனர். ஒலிம்பிக்கில் தங்கப் பதக்கம் வென்றது குறித்து தனது மகிழ்ச்சியை வெளிப்படுத்திய டாம், "நான் ஒரு ஓரினச் சேர்க்கையாளர்கள் என்பதிலும், ஒலிம்பிக்கில் தங்கப் பதக்கம் வென்ற ஓரினச் சேர்க்கையாளர் என்பதை நினைத்தும் பெருமை கொள்கிறேன்" என்று தெரிவித்துள்ளார். இவருடைய இந்த வெற்றி, சமூகத்தில் தனித்து விடப்படும் ஓரினச் சேர்க்கையாளர்களுக்கு பெரும் உத்வேகமாக அமையும் என்று சமூக ஆர்வலர்கள் கூறுகின்றனர். தங்களாலும் சாதிக்க முடியும் என்பதை அவர்கள் உணரும் தருணம் இது என்றும் சமூக ஆர்வலர்கள் தெரிவித்துள்ளனர்.