ஒரே ஒரு கேம் சேஞ்சரை அனுப்பி.. தவெக விஜயின் கனவை மொத்தமாக கலைத்த டெல்லி.. எல்லாம் ஓவர்!

சென்னை: பல மாதங்களாக பாஜக மேற்கொண்ட தொடர் முயற்சிகளுக்கு நேற்று (புதன்கிழமை) பலன் கிடைத்தது. 2026 சட்டமன்றத் தேர்தலுக்கு முன்னதாக, கூட்டணியில் இருந்து பிரிந்து சென்ற அமமுக கட்சியின் தலைவர் டிடிவி தினகரன், மத்திய அமைச்சர் மற்றும் பாஜகவின் தமிழக தேர்தல் பொறுப்பாளர் பியூஷ் கோயல் முன்னிலையில் தேசிய ஜனநாயகக் கூட்டணியில் (NDA) மீண்டும் இணைந்தார்.

அமமுகவின் இந்த மறுவருகை, எதிர்க்கட்சிக் கூட்டணி இழந்த தேவர் வாக்குகளின் ஒரு பகுதியையாவது மீண்டும் வெல்ல உதவும் என எதிர்பார்க்கப்படுகிறது. இது குறித்து அறிவித்த தினகரன், "பெரிய நல்லிணக்க நோக்கங்களுக்காக மேற்கொள்ளப்படும் அரசியல் சமரசங்களை பலவீனமாகக் கருதக்கூடாது. சமரசம் செய்துகொள்பவர்கள் எதையும் இழப்பதில்லை. கட்சியின் நலனையும், தமிழகத்தின் நலனையும் மனதில் கொண்டு, என்.டி.ஏ.வில் மீண்டும் சேர முடிவு செய்துள்ளோம்," என்று செய்தியாளர்களிடம் தெரிவித்தார்.

பாஜகவின் தமிழக தேர்தல் பொறுப்பாளர் பியூஷ் கோயல்

பாஜகவின் தமிழக தேர்தல் பொறுப்பாளர் பியூஷ் கோயல் தமிழ்நாடு கூட்டணிக்கு மீண்டும் வந்த நிலையில் NDA வேகமாக முன்னேற்றம் அடைந்து வருகிறது. விஜயின் தமிழக வெற்றிக் கழகம் கூட்டணி அமைக்கும் என்று எதிர்பார்க்கப்பட்ட அமமுக, பாமக அன்புமணி டீம் எல்லோரையும் பாஜகவின் தமிழக தேர்தல் பொறுப்பாளர் பியூஷ் கோயல் தூக்கி வருகிறார். கிட்டத்தட்ட தனி ஆளாக விஜயின் கனவுகளை இவர் காலி செய்துவிட்டார் என்றுதான் கூற வேண்டும். கிட்டத்தட்ட பியூஸ் கோயல் வந்த 1 மாதத்தில் விஜயின் கனவுகளை தகர்த்து உள்ளார்.

இது போக தேமுதிகவும் உள்ளே வருவதாக கூறப்படுகிறது. விஜய்க்கு கூட்டணி வைக்க ஆளே தராமல் பாஜகவின் தமிழக தேர்தல் பொறுப்பாளர் பியூஷ் கோயல் கேம் ஆடி உள்ளார் என்றுதான் கூற வேண்டும்.

மத்திய அமைச்சர் பியூஷ் கோயல், வரவிருக்கும் 2026 ஆம் ஆண்டு தமிழ்நாடு சட்டப்பேரவைத் தேர்தலுக்கான பா.ஜ.கவின் தேர்தல் பொறுப்பாளராக நியமிக்கப்பட்டுள்ளார். பாஜகவின் இந்த அறிவிப்பு கடந்து போகக்கூடிய மற்றொரு நியமனம் கிடையாது. இந்த அறிவிப்பிற்கு பின் பாஜகவின் மிக முக்கியமான திட்டமிடல் இருப்பதாக கூறப்படுகிறது. இவர் திமுகவை எதிர்க்க மாட்டார்.. மாறாக கூட்டணி விவகாரத்தில் அதிமுகவை வலுப்படுத்துவார்.. தவெக தனித்து போக வைப்பார் என்கிறார்கள். இவர் தமிழக அரசியலை நன்றாக அறிந்தவர் என்பதால் விஜய்க்கு கூட்டணி வைக்க ஆளே தராமல் கேம் ஆடி உள்ளார்.

பியூஸ் கோயல் - டிடிவி தினகரன் பேட்டி

கூட்டணி உறுதியான பின் நேற்று.. என்.டி.ஏ.வின் முதல்வர் வேட்பாளர் குறித்து ஊடகங்கள் டிடிவி தினகரனிடம் கேள்வி எழுப்பியபோது, அவர் தனது பதிலில் நிதானம் காட்டினார். குறிப்பாக, அதிமுக பொதுச்செயலாளர் எடப்பாடி கே. பழனிசாமிக்கு எதிராக அவர் முன்னர் கடும் விமர்சனங்களை முன்வைத்த நிலையில், அவரது பதில் கவனிக்கப்பட்டது. தினகரன், "தேசிய ஜனநாயகக் கூட்டணியின் முதல்வர் வேட்பாளர் யார் என்பது உங்களுக்குத் தெரியும். அது ஏற்கனவே அறிவிக்கப்பட்டுவிட்டது," எனக் கூறினார். மேலும், தொகுதிப் பங்கீடு குறித்து இதுவரை எந்த விவாதமும் நடக்கவில்லை என்றும், அது குறித்த வதந்திகள் ஆதாரமற்றவை மற்றும் தவறானவை என்றும் அவர் தெரிவித்தார். இருப்பினும், பாஜக வட்டாரங்கள் சற்றுக் குழப்பமானதாக, இக்கட்சிக்கு ஆறு முதல் பத்து சட்டமன்றத் தொகுதிகள் கிடைக்கக்கூடும் எனக் குறிப்பிட்டன.

தினகரனை மீண்டும் தேசிய ஜனநாயகக் கூட்டணிக்குள் வரவேற்ற பியூஷ் கோயல், இந்த வளர்ச்சியால் தனிப்பட்ட முறையில் மிகவும் மகிழ்ச்சி அடைந்ததாகக் கூறினார். "என் நல்ல நண்பரும், மூத்த தலைவரும், என் சகோதரருமான தினகரன் ஜி, என்.டி.ஏ. குடும்பத்திற்குள் மீண்டும் இணைய முடிவு செய்துள்ளார். அவரது உழைப்பு, மக்கள் செல்வாக்கு மற்றும் தலைமைப் பண்பு ஆகியவற்றை பல ஆண்டுகளாக நான் பார்த்திருக்கிறேன்," என்று அவர், தினகரன் 2004-2007 காலகட்டத்தில் ராஜ்யசபா உறுப்பினராக இருந்ததையும் நினைவு கூர்ந்தார்.

நுங்கம்பாக்கத்தில் நடந்த கூட்டு செய்தியாளர் சந்திப்பில் பேசிய கோயல், திறமையற்ற மற்றும் ஊழல் நிறைந்த திமுக அரசாங்கத்தை வீழ்த்துவதற்காக என்.டி.ஏ. ஒரு வலுவான அணியாக ஒருமித்த பங்களிப்பை செய்து செயல்படும் என்றார். "திமுக அரசு தமிழக மக்களையும், தமிழ்ப் பண்பாட்டையும், தமிழ் கலாச்சாரத்தையும் தாக்குகிறது. இதனால் நாங்கள் மிகுந்த மனவேதனை அடைந்துள்ளோம். தேசிய ஜனநாயகக் கூட்டணி ஒரு குடும்பமாக இணைந்து திமுக கூட்டணியைத் தோற்கடிக்கும்," என்றும் அவர் உறுதியளித்தார்.

தமிழகத்தில் என்.டி.ஏ.வின் தலைமைத்துவம், அதிமுக தலைவர் எடப்பாடி பழனிசாமி, பாமக தலைவர் அன்புமணி ராமதாஸ், தமிழ் மாநில காங்கிரஸ் தலைவர் ஜி.கே. வாசன் மற்றும் பிற கூட்டணிக் கட்சிகளின் தலைவர்களுடன் ஒருங்கமைக்கப்பட்டுள்ளதாகவும் பியூஷ் கோயல் மேலும் தெரிவித்தார். "இந்த திமுக அரசை அகற்றி, தமிழக இளைஞர்களுக்கு நல்ல தலைமை, நல்லாட்சி மற்றும் பாதுகாப்பான எதிர்காலத்தை வழங்குவதற்கு நாங்கள் அனைவரும் உறுதியுடன் இருக்கிறோம்," என்று அவர் கூறினார். அமமுகவை மீண்டும் என்.டி.ஏ.வில் சேர்ப்பதற்கான இம்முடிவு, மத்திய அமைச்சர் எல். முருகன், பாஜக மாநிலத் தலைவர் நயினார் நாகேந்திரன், மூத்த தலைவர் வானதி சீனிவாசன் மற்றும் பிற மூத்த நிர்வாகிகள் கலந்து கொண்ட கூட்டத்தில் இறுதி செய்யப்பட்டது.

Credit: Oneindia