அடடே.. அண்ணனுக்கு என்னா மூளை பாருங்க.. பெடரரையே ஓரம் கட்டிட்டாரே.. பயஸ் கலக்கல்!

பொறிக்கும் சட்டியுடன் சவால்

இது தொடர்பாக அவர் போட்டுள்ள போஸ்ட்டில், இங்கே உங்களுக்காக ஒரு அருமையான சவால். கிச்சனுக்கு போங்க. பிரையிங் பேனை எடுங்க. இப்படி என்னை மாதிரி பந்தை அடிங்க. வீடியோ அனுப்புங்க என்று அதிரடி சவால் விட்டுள்ளார் பயஸ். மேலும் அவர் கூறுகையில் நாமெல்லாம் லாக் டவுனில் இருக்கிறோம். எனவே இதை செய்யலாம் வாருங்கள் என்றும் டிவீட்டில் போட்டுள்ளார் அவர்.

மகேஷ் பூபதிக்கு ஆச்சரியம்

இவரது வீடியோவைப் பார்த்த முன்னாள் பார்ட்னரும், இன்னொரு டென்னிஸ் சாதனையாளருமான மகேஷ் பூபதி இதில் கமெண்ட் அடித்துள்ளார். மனுஷன் எது கிடைச்சாலும் வாலிதான் என்று கலாய்த்தபடி கருத்துப் பதிவிட்டுள்ளார் பூபதி. இந்தியாவில் தற்போது 21 நாள் லாக் டவுன் அமலில் உள்ளது. இதனால் விளையாட்டுப் போட்டிகள் ஸ்தம்பித்துப் போயுள்ளன.

விளையாட்டு முடங்கியது

ஐபிஎல் போட்டிகள் நடைபெறவில்லை. உலகம் முழுவதும் டென்னிஸ் போட்டிகளும் நடைபெறவில்லை. விம்பிள்டன் ரத்தாகி விட்டது. பிரெஞ்சு ஓபன் போட்டியும் நடக்கவில்லை. அமெரிக்க ஓபன் போட்டியும் நடக்குமா என்பது சந்தேகம்தான். அதேபோல கால்பந்துப் போட்டிகளும் நடக்கவில்லை. இந்த நிலையில் வீரர்கள் இப்படி ஆளுக்கு ஒன்றை கையில் எடுத்து சவாலுக்கு கிளம்பி விட்டனர்.

அடுத்து வடைச் சட்டி வருமா

அடுத்து வடைச்சட்டியில் எப்படி கிரிக்கெட் ஆடுவது.. ஹாலுக்குள்ளேயே எப்படி டென்னிஸ் ஆடுவது என்று கிளம்பினாலும் கிளம்புவாங்க போல. ஆனால் இதுவும் கூட ரசிகர்களுக்கு தேவைதான். காரணம், சும்மா வெறுமனே பார்த்து படித்துக் கொண்டிருப்பதற்குப் பதில் இது போல ஏதாவது செய்து வீடியோ போட்டாலாவது கொஞ்சம் மாறுதலா இருக்குமே.. என்னங்க நீங்களும் சட்டியுடன் கிளம்பிட்டீங்களா.