Click it and Unblock the Notifications
அதிரடி தொடக்கம்
விறுவிறுப்பான இந்த போட்டியில் ஜோகோவிச் ஆதிக்கம் செலுத்தி, சிட்சிபாசை சிதறடித்தார். ஜோகோவிச் தாம் ஏன் ஜாம்பவான் என்பதை நிரூபித்தார். இந்த தொடர் முழுவதும் சிறப்பாக விளையாடிய சிட்சிபாசை, ஜோகோவிச் ஓட விட, முதல் செட்டை 6க்கு3 என்ற கணக்கில் தனதாக்கினார்.
டை பிரேக்கர்
இதனைத் தொடர்ந்து 2வது செட்டில் சிட்சிபாஸ் அதிரடியாக ஆடினாலும் ஜோகோவிச்சின் அனுபவத்திற்கு ஈடு கொடுக்க முடியவில்லை. இரண்டாவது செட்டிலும் இரு வீரர்களும் மாறி மாறி பாயிண்ட்ஸ்களை எடுக்க டை பிரேக்கர் வரை நீடித்தது. இதில் ஜோகோவிச் வெற்றி பெற்று 7க்கு6 என்ற செட்டை வென்றார்.
ஜோகோவிச் வெற்றி
இதன் பிறகு மூன்றாவது செட்டை எப்படியாவது வெல்ல வேண்டும் என்று சிட்சிபாஸ் தலைக் கீழ் நின்று தண்ணீர் குடிக்காத குறை தான். ஆனால், ஜோகோவிச் இந்த செட்டிலும் அபாரமாக ஆடினார். இதனையடுத்து, இந்த செட்டும் டை பிரேக் வரை சென்றது. இதில் ஜோகோவிச் 7க்கு 6 என்ற செட் கணக்கில் வென்று அசத்தினார். இந்தப் போட்டி 2 மணி நேரம் 54 நிமிடம் வரை நீடித்தது.
சாதனை படைத்த ஜோகோவிச்
இதன் மூலம் 6க்கு3, 7க்கு6, 7க்கு6 என்ற செட் கணக்கில் வென்ற ஜோகோவிச் 10வது முறையாக ஆஸ்திரேலிய ஓபன் பட்டத்தை வென்றார். ஆஸி. ஓபன் பட்டத்தை அதிக முறை வெனற வீரர் என்ற பெருமையை அவர் தான் பெற்று இருக்கிறார். ஒட்டு மொத்தமாக இது ஜோகோவிச் வெல்லும் 22வது கிராண்ட் ஸ்லாம் தொடராகும். இதன் மூலம் அதிக கிராண்ட் ஸ்லாம் வென்றவர் பட்டியலில் முதலிடம் உள்ள நடாலை ஜோகோவிச் சமன் செய்தார்.
Continue with Google