நியூயார்க்: அமெரிக்க ஓபன் டென்னிசின் கலப்பு இரட்டையர் பிரிவில் சானியா மிர்சாவும், இரட்டையர் பிரிவில் லியாண்டர் பயசும் தோற்றதன் மூலம், இந்திய ரசிகர்களுக்கு அடுத்தடுத்து அதிர்ச்சியே பரிசாக கிடைத்தது.
கிராண்ட்ஸ்லாம் அந்தஸ்து கொண்ட, அமெரிக்க ஓபன் டென்னிஸ் தற்போது நியூயார்க் நகரில் நடந்து வருகிறது. இதில் கலப்பு இரட்டையர் பிரிவில் நடப்பு சாம்பியனான சானியா மிர்சா மற்றும் ப்ருனோ சோரஸ் ஜோடி, செக் குடியரசின் ஆன்ட்ரியா மற்றும் லுகாஸ் குபோட் ஜோடியை எதிர்கொண்டது.
65 நிமிடங்கள் நீடித்த இப்போட்டியில் 3-6 மற்றும் 3-6 என்ற நேர் செட்களில் சானியா ஜோடி தோல்வியை தழுவியது. முன்னதாக நடைபெற்ற ஆண்கள் இரட்டையர் பிரிவு ஆட்டம் ஒன்றில் இந்தியாவின் லியாண்டர் பயர் மற்றும் ஸ்பெயினின் பெர்னான்டோ வெர்டாஸ்கோ இணை, 5-7, 6-4 மற்றும் 3-6 என்ற செட் கணக்கில், அமெரிக்காவின் ஸ்டீவ் ஜான்சன்-சாம் குவர்ரே ஜோடியிடம் தோற்றது.