நின்று போனது சானியா- ஹிங்கிஸின் தொடர் வெற்றி வேட்டை!

நம்பர் ஒன் ஜோடி

உலகின் நம்பர் ஒன் மகளிர் இரட்டையர் ஜோடியாக வலம் வருகிறது சானியா - ஹிங்கிஸ் ஜோடி. இவர்கள் சந்தித்த போட்டியெல்லாம் வெற்றிதான்.

தொடர்ந்து 41 வெற்றிகள்

மேலும் இந்த ஜோடியானது தொடர்ந்து 41 போட்டிகளில் வெற்றி பெற்று சாதனையுடன் வலம் வந்து கொண்டிருந்தது.

கத்தார் ஓபன்

இந்த நிலையில் சானியா -ஹிங்கிஸ் ஜோடி கத்தார் ஓபன் டென்னிஸ் போட்டியில் பங்கேற்றது. இதில் ரஷ்யாவின் எலீனா, டாரியா ஜோடியா இந்திய - சுவிஸ் ஜோடி எதிர்கொண்டது.

போராட்டம்.. தோல்வி

இப்போட்டியில் முதல் செட்டை 2-6 என்ற கணக்கில் சானியா - ஹிங்கிஸ் ஜோடி வென்றது. ஆனால் அடுத்த 2 செட்களை இழந்தது. முடிவில் 2-6, 6-4, 10-5 என்ற கணக்கில் ரஷ்ய ஜோடி, சானியா -ஹிங்கிஸ் ஜோடியை வீழ்த்தியது.

கடந்த ஆகஸ்ட்டுக்குப் பிறகு

கடந்த ஆகஸ்ட் மாதம் சின்சினாட்டியில் நடந்த போட்டியில் சானியா - ஹிங்கிஸ் இணை தோற்றிருந்தது. அதன் பிறகு தொடர்ந்து வெற்றிகளைப் பெற்று வந்தது.

3 இரட்டையர் கிராண்ட்ஸ்லாம் பட்டங்கள்

இந்த இடைப்பட்ட காலத்தில் 3 இரட்டையர் கிராண்ட்ஸ்லாம் பட்டங்களையும் இந்த ஜோடி வென்றிருந்தது. தற்போது தோல்விப் பாதையில் இறங்கி விட்டது.

இணைந்து 4 பட்டங்கள்

சானியா - ஹிங்கிஸ் ஜோடி இந்த ஆண்டு 4 பட்டங்களை வென்றுள்ளது. மேலும் மொத்தமாக 13 பட்டங்களை இவர்கள் வென்றுள்ளனர்.