முதல் சுற்றிலேயே அவுட்-விம்பிள்டனிலிருந்து வெளியேறினார் சானியா

லண்டன்: கிராண்ட் சிலாம் போட்டிகளில் ஒன்றான விம்பிள்டன் டென்னிஸ் போட்டி நேற்று லண்டனில் தொடங்கியது. இதன் முதல் சுற்றிலேயே சானியா மிர்சா தோல்வியடைந்தார்.

நேற்று நடந்த ஆட்டத்தில் இந்தியாவின் முன்னணி வீராங்கனையான சானியா மிர்சா, ஜெர்மனி வீராங்கனை கெர்பரை எதிர்த்து விளையாடினார். இதில் அவர் 4-6, 1-6 என்ற நேர் செட் கணக்கில் கெர்பிடம் தோற்றார்.

வீனஸ் வில்லியம்ஸ் (அமெரிக்கா), கிம் கிலிஸ்டர்ஸ் (பெல்ஜியம்), ஜான் கோவிக் (செர்பியா) ஆகியோர் 2-வது சுற்றுக்கு தகுதி பெற்றுள்ளனர்.

ஆண்கள் ஒற்றையர் பிரிவில் ரோஜர் பெடரர் (சுவிட்சர்லாந்து), ரோடிக் (அமெரிக்கா), டிஜோ கோவிக் (செர்பியா) ஆகியோர் 2-வது சுற்றுக்கு முன்னேறியுள்ளனர்.