லண்டன்: விம்பிள்டன் டென்னிஸ், மகளிர் இரட்டையர் பிரிவின் 2வது சுற்றுக்கு இந்தியாவின் சானியா மிர்ஸா, ரஷ்யாவின் எலீனா வெஸ்னினா ஜோடி தகுதி பெற்றுள்ளது.

காயம் காரணமாக இரட்டையர் பிரிவில் சானியா பங்கேற்பாரா என்பது சந்தேகமாக இருந்து வந்தது. இருப்பினும் முதல் சுற்று ஆட்டத்தில் திட்டமிட்டபடி பங்கேற்றார் சானியா.

இந்திய, ரஷ்ய ஜோடி, ரஷ்யாவின் அன்னா சக்வெட்ஸே மற்றும் அமெரிக்காவின் மெலனி ஓடின் ஜோடியை எதிர்த்து மோதியது. இதில், 6-0, 7-6 (4) என்ற நேர் செட்களில் இந்திய, ரஷ்ய ஜோடி வெற்றி பெற்று 2வது சுற்றுக்கு முன்னேறியது.

மறுபக்கம், இந்தியாவின் ரோஹன் போபண்ணா மற்றும் பாகிஸ்தானின் அய்சம் உல் ஹக் குரேஷி ஜோடி ஆடவர் இரட்டையர் பிரிவின் முதல் ஆட்டத்திலேயே தோல்வியுற்று வெளியேறினர்.