8வது ரேங்க்குக்கு உயர்ந்தார் பயஸ்: பூபதி-11

டெல்லி: ஆடவர் டென்னிஸ் இரட்டையர் தர வரிசைப் பட்டியலில் லியாண்டர் பயஸ் 8 இடங்கள் முன்னேறி 8வது இடத்தைப் பிடித்துள்ளார்.

அமெரிக்க ஓபன் டென்னிஸ் போட்டியின் கலப்பு இரட்டையர் பிரிவில் பயஸ் ஜோடி அபாரமாக வென்று சாம்பியன் ஆனது. இந்த வெற்றி, தர வரிசைப் பட்டியலில் பயஸுக்கு நல்ல முன்னேற்றத்தைக் கொடுத்துள்ளது.

8 இடங்கள் முன்னேறி 8வது ரேங்குக்கு பயஸ் முன்னேறியுள்ளார்.

மகேஷ் பூபதி ஒரு இடம் முன்னேறி 11வது ரேங்க்கைப் பிடித்துள்ளார்.

அமெரிக்க ஓபன் இரட்டையர் பிரிவில் மகேஷ் பூபதி ஜோடி காலிறுதிக்கு முந்தைய சுற்றில் தோல்வியுற்று வெளியேறியது.

இந்தியாவின் பிரகாஷ் அமிர்தராஜ் 3 இடங்கள் பின்னேறி 220வது இடத்திலும், சோம்தேவ் தேவராமன் 244வது இடத்திலும் உள்ளனர்.

ஒற்றையர் பிரிவில் ரபேல் நாடால் தொடர்ந்து முதலிடத்தில் இருக்கிறார். அடுத்த இடத்தில் ரோஜர் பெடரரும், 3வது இடத்தில் செர்பிய வீரர் நோவாக் ஜோகோவிக்கும் உள்ளனர்.