ஜப்பான் ஓபன் டென்னிஸ்-சானியா வெற்றி

ஒசாகா: ஜப்பான் ஓபன் டென்னிஸ் தொடரின் முதல் சுற்றில் இந்திய வீராங்கனை சானியா மிர்ஸா வெற்றி பெற்றார்.

உலகின் முன்னணி வீராங்கனைகள் பங்கேற்கும் ஜப்பான் ஓபன் டென்னிஸ் தொடர் ஒசாகாவில் நடக்கிறது. இன்று நடந்த முதல் சுற்றுப்போட்டியில் இந்தியாவின் நட்சத்திர வீராங்கனை சானியா மிர்ஸா, இஸ்ரோலின் ஷாகர் பியரை வென்றார்.

இதில் முதல் செட்டை சானியா 3-6 என பறிகொடுத்தார். ஆனால், மனம் தளராமல் போராடிய சானியா அடுத்த இரண்டு செட்களையும் 6-3, 6-4 என கைப்பற்றினார்.

இறுதியில் 3-6, 6-3, 6-4 என்ற செட்களில் வென்று இரண்டாவது சுற்றுக்கு முன்னேறினார். அவர் அதில், உக்ரைன் வீராங்கனை விக்டோரியா குதுஜோவாவை சந்திக்கிறார்.