பிரெஞ்ச் ஓபன்-அரையிறுதியில் பெடரர், கஸ்னெட்சோவா

பாரிஸ்: பிரெஞ்ச் ஓபன் டென்னிஸ் தொடரின் ஆண்கள் ஒற்றையர் அரையிறுதிக்கு சுவிட்சர்லாந்தின் ரோஜர் பெடரர் முன்னேறினார். பெண்கள் பிரிவில் ரஷ்யாவின் கஸ்னெட்சோவா, அமெரிக்காவின் செரினா வில்லியம்சை வீழ்த்தி அரையிறுதிக்குள் நுழைந்தார்.

பிரெஞ்ச் ஓபன் கிராண்ட்ஸ்லாம் டென்னிஸ் தொடர் பாரிசில் நடக்கிறது. நேற்று நடந்த ஆண்கள் ஒற்றையர் காலிறுதி போட்டியில் சுவிட்சர்லாந்தின் ரோஜர் பெடரர், பிரான்ஸ் வீரர் கெல் மான்பில்சை எதிர்கொண்டார். இதில் சூப்பராக விளையாடி பெடரர் 7-6, 6-2, 6-4 என்ற நேர் செட்களில் வென்று அரையிறுதிக்கு முன்னேறினார்.

மற்றொரு காலிறுதியில் அர்ஜென்டினாவின் ஜூவன் மார்டின் டெல் பெட்ரோ 6-3, 6-4, 6-2 என ஸ்பெயினின் டாமி ராபர்டோவை வீழ்த்தி, அரையிறுதிக்குள் நுழைந்தார்.

செரினா தோல்வி...

பெண்கள் பிரிவில் நடந்து காலிறுதி போட்டியில் ஷ்யாவின் கஸ்னெட்சோவா, அமெரிக்காவின் செரினா வில்லியம்சை சந்தித்தார். இதில் முதல் செட்டில் சிறப்பாக விளையாடிய கஸ்னெட்சோவா அதை 7-6 என வென்றார். அடுத்து செட்டை செரினா 7-5 என கைப்பற்றி பதிலடி கொடுத்தார்.

இதையடுத்து அரையிறுதிக்கு முன்னேற போவது யார் என்பதை நி்ர்ணயிக்கும் மூன்றாவது செட்டில் இரு வீராங்கனைகளும் கடுமையாக மோதி கொண்டனர். இறுதியில் கஸ்னெட்சோவா 7-5 என மூன்றாவது செட்டை கைப்பற்றினார். அவர் 7-6, 5-7, 7-5 என்ற செட்களில் வென்று அரையிறுதிக்கு தகுதி பெற்றார்.

பெண்கள் ஒற்றையரில் நடந்த மற்றொரு காலிறுதி போட்டியில் ஆஸ்திரேலியாவின் சமந்தா ஸ்டோசுர் 6-1, 6-3 என ரூமேனியாவின் சொரனா கிற்ஸ்டியாவை வென்றார்.