அமெரிக்க ஓபன்.. கம்பேக் கொடுத்த அல்காரஸ்.. சபலென்கா, சிட்சிபாஸ் 3-வது சுற்றுக்கு முன்னேற்றம்

நியூயார்க்: நியூயார்க்கில் நடைபெற்று வரும் அமெரிக்க ஓபன் டென்னிஸ் தொடரில், முன்னணி வீரர்களான கார்லோஸ் அல்காரஸ், அரினா சபலென்கா, ஸ்டெபனோஸ் சிட்சிபாஸ் மற்றும் பிரான்சிஸ் தியாஃபோ ஆகியோர் தங்களது 2-வது சுற்று போட்டிகளில் வென்று 3-வது சுற்றுக்கு முன்னேறியுள்ளனர்.

கடந்த சில தொடர்களாகத் தடுமாறி வந்த கிரீஸ் நாட்டின் ஸ்டெபனோஸ் சிட்சிபாஸ், தென்னாப்பிரிக்காவின் லாயிட் ஹாரிஸை எதிர்கொண்டார். 3 மணி நேரம் 27 நிமிடங்கள் நீடித்த இந்த ஆட்டத்தில், முதல் செட்டை இழந்த சிட்சிபாஸ் பின்னர் 6-7, 6-3, 7-6, 6-4 என்ற கணக்கில் போராடி வென்றார். இதன் மூலம், 2024 பிரெஞ்சு ஓபன் தொடருக்குப் பிறகு முதல்முறையாக ஒரு கிராண்ட்ஸ்லாம் தொடரில் அவர் 3-வது சுற்றுக்குத் தகுதி பெற்றுள்ளார். மேலும், 2021-க்குப் பிறகு அமெரிக்க ஓபனில் அவர் 3-வது சுற்றை எட்டுவது இதுவே முதல்முறையாகும்.

ஆடவர் ஒற்றையர் பிரிவில், நடப்பு சாம்பியனும் 2-வது வரிசை வீரருமான ஸ்பெயினின் கார்லோஸ் அல்காரஸ், போர்ச்சுகலின் ஜெய்ம் ஃபாரியாவை எதிர்கொண்டார். காயம் காரணமாக 4 மாத இடைவெளிக்குப் பிறகு களம் இறங்கியுள்ள அல்காரஸ், முதல் செட்டை 4-6 என இழந்து தடுமாறினார். எனினும், அடுத்தடுத்த செட்களில் விஸ்வரூபம் எடுத்த அவர், தொடர்ந்து 8 கேம்களை வென்று ஆதிக்கம் செலுத்தினார். இறுதியில் 4-6, 6-0, 6-3, 6-2 என்ற கணக்கில் அல்காரஸ் வெற்றி பெற்று 3-வது சுற்றுக்குள் நுழைந்தார்.

தேர்வுக்குழு மெசேஜால் ஆத்திரமடைந்த 'ஹிட்மேன்'.. ரோஹித்தை வெளியேற்ற நடந்த திரைமறைவு வேலைகள்

மகளிர் ஒற்றையர் பிரிவில், முதலிடத்திலுள்ள அரினா சபலென்கா, ரஷிய தகுதிச்சுற்று வீராங்கனை பொலினாவை வெறும் 53 நிமிடங்களில் 6-1, 6-1 என்ற கணக்கில் எளிதாக வீழ்த்தினார். தொடர்ந்து 3-வது முறையாக சாம்பியன் பட்டம் வெல்லும் முனைப்பில் அவர் உள்ளார். அமெரிக்காவின் முன்னணி வீரரான பிரான்சிஸ் தியாஃபோ, ஜப்பானின் ரெய் சகாமோட்டோவை எதிர்கொண்டு 6-3, 7-6, 7-5 என்ற நேர் செட்களில் வென்று 3-வது சுற்றுக்கு முன்னேறினார். முன்னதாக முதல் சுற்றில் 5 செட் வரை விளையாடி போராடிய தியாஃபோவிற்கு, இந்த நேர் செட் வெற்றி சிறப்பாக அமைந்தது.

Also Read

உலகக்கோப்பைக்கு முன் தென்னாப்பிரிக்காவுடன் மோதும் இந்தியா.. பிசிசிஐ-யின் புதிய திட்டம்