அமெரிக்க ஓபன்.. ஜோகோவிச், வீனஸ் வில்லியம்ஸ் ஆட்டம் எப்போது? முதல் நாள் போட்டிகள் பட்டியல்

நியூயார்க்: கிராண்ட்ஸ்லாம் போட்டிகளில் ஒன்றான யுஎஸ் ஓபன் டென்னிஸ் தொடர் இன்று (ஆகஸ்ட் 30) நியூயார்க்கில் தொடங்குகிறது. இந்தத் தொடரில் டென்னிஸ் உலகின் ஜாம்பவான் நோவக் ஜோகோவிச் தனது வரலாற்றுச் சாதனையான 25-வது கிராண்ட்ஸ்லாம் பட்டத்தை வெல்லும் முனைப்பில் களம் இறங்குகிறார்.

5-வது வரிசை வீரரான 39 வயது ஜோகோவிச், தனது முதல் சுற்றில் அர்ஜென்டினாவின் மரியானோ நவோனை சந்திக்கிறார். ஓய்வு குறித்துப் பேசிய அவர், தான் இன்னும் சிறப்பான ஆட்டத்தை வெளிப்படுத்தி உலக தரவரிசையில் முதல் 10 இடங்களுக்குள் நீடிப்பதால், ஓய்வு பற்றிப் பேச விரும்பவில்லை என்று தெரிவித்துள்ளார்.

அதேபோல், அமெரிக்காவின் நட்சத்திர வீராங்கனையான 45 வயது வீனஸ் வில்லியம்ஸ், தனது 26-வது யுஎஸ் ஓபன் தொடரில் களம் காண்கிறார். அவர் தனது முதல் சுற்றில் சக அமெரிக்க வீராங்கனையான சோபியா கெனினை சந்திக்கிறார்.

உள்நாட்டு ரசிகர்களின் பலத்த ஆதரவைக் கொண்ட ஜெசிகா பெகுலா, தனது முதல் கிராண்ட்ஸ்லாம் பட்டத்தை வெல்லும் கனவுடன் களம் இறங்குகிறார். அவர் தனது முதல் சுற்றில் ருமேனியாவின் எலினா ரூஸை சந்திக்கிறார். பெகுலா கடந்த 2024 யுஎஸ் ஓபனில் இறுதிப்போட்டி வரை முன்னேறியிருந்தார் என்பது குறிப்பிடத்தக்கது. மேலும், உக்ரைனின் மார்டா கோஸ்டியுக் தனது முதல் ஆட்டத்தில் ஆஸ்திரேலியாவின் ஸ்டார்ம் ஹண்டரை சந்திக்கிறார்.

முன்னணி வீரர்களான கார்லோஸ் அல்காரஸ், அரினா சபலென்கா ஆகியோரின் போட்டிகள் இந்தத் தொடரின் அடுத்தடுத்த நாட்களில் தொடங்க உள்ளன. இன்றைய போட்டிகளின் முழு விவரம் பின்வருமாறு:

ஞாயிற்றுக்கிழமை, ஆகஸ்ட் 30 போட்டி அட்டவணை

ஆர்தர் ஆஷ் மைதானம் (Arthur Ashe Stadium)
இரவு 9:30 மணி முதல் (இந்திய நேரப்படி)

ஜெசிகா பெகுலா x எலினா ரூஸ்
டேனியல் மெத்வதேவ் x ஹ்யூகோ கேஸ்டன்

திங்கள்கிழமை, அதிகாலை 4:30 மணி முதல் (இந்திய நேரப்படி)

மரியானோ நவோன் x நோவக் ஜோகோவிச்
வீனஸ் வில்லியம்ஸ் x சோபியா கெனின்

லூயிஸ் ஆர்ம்ஸ்ட்ராங் மைதானம் (Louis Armstrong Stadium)
இரவு 8:30 மணி முதல் (இந்திய நேரப்படி)

ஜாஸ்மின் பாவ்லினி x வெரோனிகா எர்ஜாவெக்
கோல்மேன் வோங் x டாமி பால்

திங்கள்கிழமை, அதிகாலை 4:30 மணி முதல் (இந்திய நேரப்படி)

எலினா ஸ்விடோலினா x சொலானா சியரா
அலெக்சாண்டர் புப்ளிக் x ஜே.ஜே. வுல்ஃப்

கிராண்ட்ஸ்டாண்ட் மைதானம் (Grandstand)
இரவு 8:30 மணி முதல் (இந்திய நேரப்படி)

ஜி லெஹெக்கா x பாப்லோ கரினோ புஸ்டா
மார்டா கோஸ்டியுக் x ஸ்டார்ம் ஹண்டர்
மியோமிர் கெக்மனோவிச் x டெனிஸ் ஷபோவலோவ்

திங்கள்கிழமை, அதிகாலை 2:30 மணி முதல் (இந்திய நேரப்படி)

எம்மா நவரோ x லோஸ் போய்ஸன்

ஸ்டேடியம் 17 (Stadium 17)
இரவு 8:30 மணி முதல் (இந்திய நேரப்படி)

கமிலா ரஹிமோவா x பார்போரா கிரெஜ்சிகோவா
ஷுவாய் ஜாங் x லேலா பெர்னாண்டஸ்
ஜோவா ஃபாரியா x ஜென்சன் புரூக்ஸ்பி

“உலகக்கோப்பையில் பேட்டிங்கும் பண்ணனும்.. 4 ஓவர் பவுலிங்கும் போடணும்”.. ஆல்-ரவுண்டராகும் திலக் வர்மா

திங்கள்கிழமை, அதிகாலை 2:30 மணி முதல் (இந்திய நேரப்படி)

அலெக்ஸ் மைக்கேல்சன் x ஃபெடரிகோ சினா