“ஸ்ரேயாஸ் திணறித் திணறி ஆடிவிட்டு கடைசியா 2 பவுண்டரிகளை..”.. முன்னாள் வீரர் அம்பதி ராயுடு பதிலடி

ஹாமில்டன்: இந்திய டி20 கேப்டன் ஸ்ரேயாஸ் ஐயருக்கு ஆதரவாக முன்னாள் வீரர் அம்பதி ராயுடு பேசி இருக்கிறார். ஸ்ரேயாஸ் ஐயரின் பேட்டிங் திறமை மற்றும் ஸ்ட்ரைக் ரேட்டை சந்தேகப்படுபவர்களை அம்பதி ராயுடு கடுமையாக சாடியுள்ளார்.

ஹாமில்டனில் நடைபெற்ற கடைசி டி20 போட்டியில், தொடக்க வீரர்கள் அபிஷேக் சர்மா மற்றும் சஞ்சு சாம்சன் ஆகியோர் அடுத்தடுத்து ஆட்டமிழந்து இந்தியா 19 ரன்களுக்கு 2 விக்கெட்டுகளை இழந்து தத்தளித்தது. அப்போது 4-வது ஓவரிலேயே களத்திற்கு வந்த கேப்டன் ஸ்ரேயாஸ் ஐயர், நியூசிலாந்து பந்துவீச்சை துணிச்சலுடன் எதிர்கொண்டார். இஷான் கிஷனுடன் இணைந்து வெறும் 43 பந்துகளில் 93 ரன்கள் பார்ட்னர்ஷிப் அமைத்த அவர், 3 பவுண்டரி, 4 சிக்சர்களுடன் 23 பந்துகளில் அரைசதம் அடித்து மிரட்டினார். வெறும் 23 பந்துகளில் 50 ரன்கள் விளாசி அதிரடி ஆட்டம் ஆடினார்.

இது தொடர்பாக பேசிய அம்பதி ராயுடு, "ஸ்ரேயாஸ் ஐயர் எப்போதுமே மிகச் சிறந்த ஃபார்மில்தான் இருந்து வருகிறார். அவரைப் போன்ற ஒரு உலகத்தரம் வாய்ந்த வீரரை சிலர் சந்தேகிப்பதைப் பார்க்கும்போதே எனக்கு சிரிப்புதான் வருகிறது. அவர் பேட் செய்யும் ஒவ்வொரு முறையும் அவர் ஒரு தனித்துவமான மேட்ச் வின்னர் என்பதை நிரூபித்துள்ளார்" என்றார்.

மேலும் ஸ்ரேயாஸின் ஆட்டத்தைப் பாராட்டிய அம்பதி ராயுடு, "அவர் எதிரணியின் முதன்மை பந்துவீச்சாளர்களை நேருக்கு நேர் தைரியமாக எதிர்கொள்கிறார். திணறித் திணறி ஆடிவிட்டு கடைசி நேரத்தில் 2 பவுண்டரிகளை அடிப்பவர் அவர் கிடையாது. களத்தில் இறங்கியது முதல் ஆட்டத்தை முழுமையாகத் தன் கட்டுப்பாட்டில் வைத்து எதிரணியை மிரட்டுகிறார். அவர் ஒரு அற்புதமான வீரர்" என்று கூறினார்.

14.2 கோடி வீரரை வீட்டுக்கு அனுப்பும் சிஎஸ்கே நிர்வாகம்.. 2027 ஐபிஎல் ஏலத்துக்கு முன் அதிரடி வியூகம்

கடந்த அக்டோபரில் வெஸ்ட் இண்டீஸுக்கு எதிராக 43 பந்துகளில் ஆட்டமிழக்காமல் 102 ரன்கள் விளாசிய பிறகு, கடந்த 8 போட்டிகளில் ஸ்ரேயாஸ் அரைசதம் அடிக்காமல் இருந்தார். தற்போது அதற்கு முற்றுப்புள்ளி வைத்துள்ளார். இந்திய அணியின் டி20 கேப்டனாகப் பொறுப்பேற்ற பிறகு இது அவரது 4-வது அரைசதமாகும். கடைசி 2 போட்டிகளில் இந்தியா தோற்றாலும், ஸ்ரேயாஸ் தலைமையில் இந்திய அணி 3-2 என்ற கணக்கில் டி20 தொடரைக் கைப்பற்றியது.

Also Read

"வைபவ் சூர்யவன்ஷியும், அபிஷேக்கும் இறங்கினால் என்ன செய்றதுன்னே தெரியாது.. ஆனால்".. ஸ்ரீகாந்த் ஆவேசம்