கம்மி வயசு.. டபுள் செஞ்சுரி சாதனை.. அசத்திய அமெலியா கெர்.. 21 வருட சாதனை காலி!

டப்ளின்: நியூஸிலாந்து பெண்கள் அணி அயர்லாந்து மற்றும் இங்கிலாந்தில் சுற்றுப்பயணம் மேற்கொண்டு விளைய்டி வருகிறது. நியூஸிலாந்து மற்றும் அயர்லாந்து பெண்கள் அணிகளுக்கிடையேயான 3 போட்டிகள் கொண்ட ஒருநாள் தொடரின் கடைசி ஆட்டம் இன்று டப்ளினில் நடைபெற்றது.

முதலில் ஆடிய நியூஸிலாந்து பெண்கள் அணி நிர்ணயிக்கப்பட்ட 50 ஓவர்களில் 3 விக்கெட் இழப்பிற்கு 440 ரன்கள் எடுத்தது. அந்த அணியின் அமெலியா கெர் கடைசி வரை அட்டமிழக்காமல் 232 ரன்களை குவித்தார். இதில் 31 பௌண்டரிகளும் மற்றும் 2 சிக்ஸர்களும் அடங்கும்.இந்த போட்டியில் பல சாதனைகள் உடைக்கப்பட்டன.

• தனிப்பட்ட முறையில் அதிக ரன்கள் குவித்த வீராங்கனை சாதனை அமெலியா கெர் வசமானது.

• ஆஸ்திரேலியா மகளிர் அணியின் பெலின்டா கிளார்க் அடித்த 229 ரன்களே அதிகபட்சமாக இருந்தது.

• அமெலியா 232 ரன்கள் எடுத்து அதனை முறியடித்தார்.

• மகளிர் கிரிக்கெட் போட்டியில் இரட்டை சத்தம் அடித்த 2வது வீராங்கனை அமெலியா கெர்.

• ஒரே போட்டியில் அதிக பௌண்டரி அடித்த வீராங்கனை என்ற சாதனையும் அமெலியா வசமானது (31 பௌண்டரிகள்).

• ஒட்டுமொத்தமாக முதல் இடத்தில இருப்பது இந்திய வீரர் ரோஹித் சர்மா (33 பௌண்டரிகள்).

• மிக குறைந்த வயதில் சதம் அடித்தவர்கள் பட்டியலில் அமெலியா மூன்றாவது இடத்தில் (17 வரு 243 நாட்கள்)இருக்கிறார்.

• முதல் இடத்தில் இந்திய வீராங்கனை மித்தாலி ராஜ் (16 வரு. 205 நாட்கள்)

• மிக குறைந்த வயதில் இரட்டை சதம் அடித்த முதல் வீராங்கனை அமெலியா கர்

• அமெலியா கெர் மற்றும் லெயி காஸ்பெர்க் இணைந்து இரண்டாவது விக்கெட்டிற்கு 295 ரன்கள் சேர்த்தனர்.

• இதுவே மகளிர் கிரிக்கெட்டில் அதிக பட்ச பார்ட்னெர்ஷிப் இரண்டாவது விக்கெட்டிற்கு.