ஆசிய கோப்பையில் சொதப்பிய பாகிஸ்தான் அணியை விளாசும் முன்னாள் வீரர்கள்

அக்தர் கருத்து

பாகிஸ்தானின் பேட்டிங் இந்தியாவுக்கு எதிராகவும் சொதப்பியிருந்த நிலையில், இப்படி அணி வீழ்ச்சியடையும் என்று நினைக்கவில்லை என்று, முன்னாள் வீரர் சோயிப் அக்தர் தெரிவித்துள்ளார். பாக். வீரர்கள் தங்களை தாங்களே ஊக்கப்படுத்திக்கொண்டு ஆடுவார்கள் என்று எதிர்பார்த்திருந்தேன் என்று அவர் கூறியுள்ளார்.

பேட்டிங்கை சாடும் மிஸ்பா

பவுலர்கள் சிறப்பாக செயல்பட்டாலும், பேட்ஸ்மேன்கள்தான் சரியாக ஆடவில்லை என்று கூறியுள்ள பாகிஸ்தான் டெஸ்ட் அணி கேப்டன் மிஸ்பா உல்-ஹக், பிட்ச்சின் தன்மையை அணி உள்வாங்கவில்லை என்றும், சோயிப் மாலிக்கை முன்கூட்டியே பந்து வீச அனுமதித்திருக்க வேண்டும் என்றும் தெரிவித்துள்ளார்.

சோயிப் மாலிக்

சுழலுக்கு சாதகமான பிட்சில் சோயிப் மாலிக்கை முன்கூட்டியே பந்து வீச செய்திருக்க வேண்டும். 7வது அல்லது 8வது ஓவரில் அவரை களமிறக்கியிருக்க வேண்டும் என்று சுழற்பந்து வீச்சாளர் அஜ்மல் தெரிவித்துள்ளார்.

மியாண்டட் ஏமாற்றம்

ஜாவித் மியாண்டட், முகமது யூசுப் போன்ற பல முன்னாள் வீரர்களும் பாகிஸ்தான் பேட்டிங்கை கிழித்து தோரணம் கட்டியுள்ளனர். நான் சமீப காலத்தில் பார்த்ததிலேயே மோசமான பேட்டிங் பங்களிப்பு என்றால் அது இதுதான்.. என்று ஜாவித் மியாண்டட் தெரிவித்துள்ளார்.