AUS vs SA: முதல் டெஸ்டில் ஹேசல்வுட் அபார பந்துவீச்சு.. 8 ஆண்டுகளுக்கு பிறகு ஆஸ்திரேலியா வெற்றி

டர்பன்: தென் ஆப்பிரிக்காவுக்கு எதிரான முதலாவது டெஸ்ட் போட்டியின் ஐந்தாம் நாளில், ஆஸ்திரேலியா 214 ரன்கள் வித்தியாசத்தில் அபார வெற்றி பெற்றது. 421 ரன்கள் எடுத்தால் வெற்றி என்ற கடினமான இலக்குடன் இரண்டாவது இன்னிங்ஸை தொடர்ந்த தென் ஆப்பிரிக்க அணி 206 ரன்களுக்கு ஆல்-அவுட்டானது.

ஆஸ்திரேலிய வேகப்பந்து வீச்சாளர் ஜோஷ் ஹேசில்வுட் 49 ரன்கள் விட்டுக்கொடுத்து 6 விக்கெட்டுகளை வீழ்த்தி ஆட்டத்தின் போக்கை மாற்றினார். தென் ஆப்பிரிக்க அணியின் முக்கிய விக்கெட்டுகளை இருமுறை தகர்த்த அவர், ஆஸ்திரேலியாவின் வெற்றிக்கு முக்கியக் காரணமாக அமைந்தார். 2018-ஆம் ஆண்டுக்குப் பிறகு தென் ஆப்பிரிக்க மண்ணில் இரு அணிகளுக்கும் இடையே நடைபெறும் முதல் டெஸ்ட் தொடர் இது என்பது குறிப்பிடத்தக்கது.

தென் ஆப்பிரிக்க அணியின் தொடக்க ஆட்டக்காரர் எய்டன் மார்க்ரம் சுமார் ஆறு மணி நேரம் களத்தில் நின்று போராடி 75 ரன்கள் எடுத்தார். அவர் மிட்செல் ஸ்டார்க் பந்துவீச்சில் ஆட்டமிழந்தார். இரண்டாவது புதிய பந்து எடுக்கப்பட்ட பிறகு, தென் ஆப்பிரிக்காவின் கடைசி 4 விக்கெட்டுகள் வெறும் 16 பந்துகளில் 5 ரன்களுக்குள் சரிந்தன.

டெஸ்ட் கிரிக்கெட் வரலாற்றில் உலக சாதனை படைத்த ஸ்டீவ் ஸ்மித்.. ஜோ ரூட், டிராவிட் சாதனையைத் தகர்த்தார்

ஐந்தாம் நாள் ஆட்டத்தின் தொடக்கத்தில் மார்க்ரம் மற்றும் வியான் முல்டர் இணை முதல் 110 நிமிடங்கள் விக்கெட் விழாமல் தடுத்தது. ஆனால், ஹேசில்வுட் இந்த இணையைக் பிரித்து முல்டரை 29 ரன்களில் ஆட்டமிழக்கச் செய்தார். அடுத்த ஓவரில் பந்துவீச வந்த மேட் ரென்ஷா, தான் வீசிய முதல் பந்திலேயே கைல் வெரைனை 1 ரன்னில் அவுட் ஆக்கினார். இப்போட்டியில் பேட்டிங்கில் 190 மற்றும் 82 ரன்கள் குவித்து அசத்திய ரென்ஷா, ஆட்டநாயகன் விருதையும் வென்றார்.

Also Read

AUS vs SA: பரபரப்பான கட்டத்தில் முதல் டெஸ்ட்.. கடைசி நாளில் வெற்றி பெறப்போவது யார்?

இப்போட்டியில் 5 கேட்ச்சுகளைப் பிடித்த ஸ்டீவ் ஸ்மித், டெஸ்ட் கிரிக்கெட் வரலாற்றில் அதிக கேட்ச்கள் பிடித்த ஃபீல்டர் என்ற உலக சாதனையைப் படைத்தார். மார்க்ரமுடன் இணைந்து 45 ரன்கள் சேர்த்த மார்கோ யான்சன் மற்றும் சைமன் ஹார்மர் ஆகியோரின் விக்கெட்டுகளை புதிய பந்தில் ஹேசில்வுட் கைப்பற்றி ஆஸ்திரேலியாவின் வெற்றியை உறுதி செய்தார்.