சச்சின் உலக சாதனையை முறியடித்த ஜிம்பாப்வே வீரர்..ஒருநாள் கிரிக்கெட்டில் புதிய சரித்திரம்

ஹராரே: ஜிம்பாப்வே கிரிக்கெட் அணியின் முன்னணி வீரரான பிரெண்டன் டெய்லர், சர்வதேச ஒருநாள் கிரிக்கெட் வரலாற்றில் மிக நீண்ட காலம் விளையாடிய வீரர் என்ற சச்சின் டெண்டுல்கரின் உலக சாதனையை முறியடித்துள்ளார். ஹராரே ஸ்போர்ட்ஸ் கிளப் மைதானத்தில் ஆஸ்திரேலியாவுக்கு எதிராக நடைபெற்ற முதல் ஒருநாள் போட்டியில் விளையாடியதன் மூலம் டெய்லர் இந்த வரலாற்று சாதனையை எட்டினார்.

இதன் மூலம் அவரது ஒருநாள் கிரிக்கெட் வாழ்க்கை இருபத்தி இரண்டு ஆண்டுகள் மற்றும் 148 நாட்களை எட்டியுள்ளது. இது சச்சின் டெண்டுல்கரின் சாதனையை விட ஐம்பத்தேழு நாட்கள் கூடுதலாகும்.டெய்லர் தனது 208வது ஒருநாள் போட்டியில் இந்த சாதனையை படைத்துள்ளார். இவரது சர்வதேச கிரிக்கெட் பயணம் 2004 ஏப்ரல் இருபது அன்று இதே மைதானத்தில் இலங்கை அணிக்கு எதிரான போட்டியுடன் தொடங்கியது.

ஜிம்பாப்வே கிரிக்கெட் வரலாற்றில் மிகவும் நம்பகமான மற்றும் சிறந்த பேட்ஸ்மேனாகக் கருதப்படும் டெய்லர், 207 ஒருநாள் போட்டிகளில்11 சதங்கள் உட்பட 6704 ரன்களைக் குவித்துள்ளார். மேலும் 37டெஸ்ட் போட்டிகளில் விளையாடி 2120 ரன்களை எடுத்துள்ளார்.

அஜித்தை வெளுக்கும் ரசிகர்கள்.. செல்ஃபிக்கு இப்படி முறைப்பதா? ஹாமில்டனை விட பெரிய வீரரா நீங்க?

உலக கிரிக்கெட் பொருளாதாரத்தில் ஜிம்பாப்வே அணியின் சூழல் காரணமாக டெய்லரின் போட்டிகள் சச்சின் டெண்டுல்கரை விட அதிக கால இடைவெளிகளைக் கொண்டுள்ளன. இந்திய ஜாம்பவான் சச்சின் டெண்டுல்கர் ஆண்டுக்கு சராசரியாக 21 ஒருநாள் போட்டிகளில் விளையாடிய நிலையில், டெய்லர் தனது விளையாட்டு வாழ்க்கையில் ஆண்டுக்கு சராசரியாக பத்து போட்டிகளுக்கும் குறைவாகவே விளையாடியுள்ளார்.

இந்த வரலாற்றுப் போட்டிக்கு முன்னதாக, அவர் கடைசியாக 2025 ஆகஸ்ட் மாதம் ஹராரே மைதானத்தில் இலங்கைக்கு எதிராக விளையாடினார். காயங்கள் போன்ற தவிர்க்க முடியாத காரணங்கள் தவிர, சச்சின் டெண்டுல்கர் தனது விளையாட்டுப் பயணத்தில் இதுபோன்ற நீண்ட கால இடைவெளிகளை எதிர்கொண்டதில்லை என்பது குறிப்பிடத்தக்கது.

சர்வதேச ஒருநாள் கிரிக்கெட்டில் மிக நீண்ட காலம் விளையாடிய வீரர்களின் பட்டியலில் தற்போது ஜிம்பாப்வேயின் பிரெண்டன் டெய்லர் முதலிடம் பிடித்துள்ளார். அவருக்கு அடுத்தபடியாக இந்தியாவின் சச்சின் டெண்டுல்கர் 22 ஆண்டுகள் மற்றும் 91 நாட்களுடன் இரண்டாம் இடத்தில் உள்ளார். இலங்கையின் சனத் ஜெயசூரியா 21 ஆண்டுகள் 184 நாட்களுடன் மூன்றாவது இடத்திலும், பாகிஸ்தானின் ஜாவேத் மியான்டட் 20 ஆண்டுகள் மற்றும் 272 நாட்களுடன் நான்காவது இடத்திலும் உள்ளனர்.

Also Read

சஞ்சு சாம்சனுக்கு மட்டும் ஏன் ஆதரவே இல்லை.. ஒரு போட்டியில் சொதப்பினாலும் நீக்க கூடாது.. அஸ்வின்

ஜிம்பாப்வேயின் சீன் வில்லியம்ஸ் 20 ஆண்டுகள் மற்றும் 187 நாட்களுடன் ஐந்தாவது இடத்தையும், வெஸ்ட் இண்டீஸின் கிறிஸ் கெய்ல் 19 ஆண்டுகள் மற்றும் 337 நாட்களுடன் ஆறாவது இடத்தையும் பிடித்துள்ளனர். இவர்களைத் தொடர்ந்து பாகிஸ்தானின் சோயப் மாலிக், இந்தியாவின் ரோஹித் சர்மா, இலங்கையின் அரவிந்த டி சில்வா மற்றும் பங்களாதேஷின் முஷ்பிகுர் ரஹீம் ஆகியோரும் இந்த நீண்ட கால ஒருநாள் கிரிக்கெட் பயணப் பட்டியலில் அடுத்தடுத்த இடங்களில் உள்ளனர்.