இங்கிலாந்தை மட்டுமல்ல… சச்சின் சாதனையையும் சமர் செய்த நாயகன்..!! பாராட்டும் கிரிக்கெட் உலகம்

மழையால் பாதிப்பு

தொடக்க வீரர்கள் மார்கஸ் 13 ரன்னிலும் வார்னர் டக் அவுட்டாகி வெளியேறினர். ஸ்மித் சிறப்பாக விளையாடி அரைசதம் விளாசினார். மழை குறுக்கிட்டதால் முதல் நாள் ஆட்ட நேரம் நீண்ட நேரம் பாதிக்கப்பட்டது.

திணறிய இங்கிலாந்து

டெஸ்ட் போட்டியின் 2வது நாளில் ஸ்மித்தின் ஆதிக்கம் அமோகம். இங்கிலாந்து பந்துவீச்சை திணறடித்தார். பந்துகளை விளாசி தள்ளினார். எவ்வளவு முயன்றும் ஸ்மித்தை அவுட்டாக்க முடியாமல் திணறினர். அதிரடி, கொஞ்சம் பொறுப்புடன் ஆடிய ஸ்மித் தமது 26வது சதத்தை எட்டினார்.

26 சதங்கள் சாதனை

இதன் மூலம் குறைந்த இன்னிங்சில் 26 சதங்கள் அடித்த வீரர்களில் சச்சினை ஸ்மித் முந்தியுள்ளார். முதல் இடத்தில் டான் பிராட்மேன் 69 இன்னிங்சில் 26 சதங்கள் விளாசினார். 2வது இடத்தில் ஸ்மித் 121 இன்னிங்சிலும் உள்ளார். சச்சின் இந்த சாதனையை 136 இன்னிங்சில் தான் எடுத்தார்.

பட்டியலில் யார்?

ஆஷஸ் தொடரில் நான்கு இன்னிங்சில் விளையாடியுள்ளார் ஸ்மித். அதில் மூன்று சதங்கள் அடித்துள்ளார் .சுனில் கவாஸ்கர் 144 இன்னிங்சிலும், ஹெய்டன் 145 இன்னிங்சில் 26 சதங்கள் அடித்தவர்கள் பட்டியலில் அடுத்தடுத்து உள்ளனர்.