IND vs ENG: அக்சர் பட்டேல் பிரம்மாண்ட சாதனை.. சச்சின், யுவராஜ் வரிசையில் ஆல் ரவுண்டர் ரெக்கார்டு

பர்மிங்காம்: இங்கிலாந்துக்கு எதிரான முதல் ஒருநாள் போட்டியில் இந்திய அணி 6 விக்கெட் வித்தியாசத்தில் அபார வெற்றி பெற்றது. இந்தப் போட்டியில் பந்துவீச்சு மற்றும் பேட்டிங் இரண்டிலும் அசத்தி அணியின் வெற்றிக்கு முக்கியக் காரணமாக இருந்த அக்சர் பட்டேல், ஆட்டநாயகன் விருதை வென்றார். அது மட்டுமின்றி ஒருநாள் கிரிக்கெட் வரலாற்றில் மிகப்பெரிய சாதனைப் பட்டியலில் இணைந்துள்ளார்.

இந்தப் போட்டியில் முதலில் பந்துவீசிய அக்சர் பட்டேல் 9.5 ஓவர்களில் 62 ரன்கள் கொடுத்து 4 முக்கிய விக்கெட்டுகளை வீழ்த்தினார். பின்னர் சேஸிங்கில் கடினமான நேரத்தில் களம் இறங்கி அதிரடியாக விளையாடிய அவர், 52 பந்துகளில் 5 பவுண்டரிகள் மற்றும் 1 சிக்ஸருடன் ஆட்டமிழக்காமல் 57 ரன்கள் குவித்தார். இதன் மூலம் ஒருநாள் போட்டியில் 50-க்கும் மேற்பட்ட ரன்கள் மற்றும் 4-க்கும் மேற்பட்ட விக்கெட்டுகளை வீழ்த்திய 7-வது இந்திய வீரர் என்ற வரலாற்றுச் சாதனையை அவர் படைத்துள்ளார்.

ஒருநாள் கிரிக்கெட் வரலாற்றில் ஒரே போட்டியில் 50 ரன்களுக்கு மேல் குவித்து, 4 விக்கெட்டுகளையும் வீழ்த்திய இந்திய வீரர்களின் பட்டியல்:

• கிருஷ்ணமாச்சாரி ஸ்ரீகாந்த் (1988-ல் நியூசிலாந்துக்கு எதிராக 70 ரன்கள், 5 விக்கெட்டுகள்)
• சச்சின் டெண்டுல்கர் (1998-ல் ஆஸ்திரேலியாவுக்கு எதிராக 141 ரன்கள், 4 விக்கெட்டுகள்)
• சவுரவ் கங்குலி (1999-ல் இலங்கைக்கு எதிராக 130 ரன்கள், 4 விக்கெட்டுகள்)
• சவுரவ் கங்குலி (2000-ல் ஜிம்பாப்வேக்கு எதிராக 71 ரன்கள், 5 விக்கெட்டுகள்)
• யுவராஜ் சிங் (2008-ல் இங்கிலாந்துக்கு எதிராக 118 ரன்கள், 4 விக்கெட்டுகள்)
• யுவராஜ் சிங் (2011-ல் அயர்லாந்துக்கு எதிராக 50 ரன்கள், 5 விக்கெட்டுகள்)
• ஹர்திக் பாண்டியா (2022-ல் இங்கிலாந்துக்கு எதிராக 71 ரன்கள், 4 விக்கெட்டுகள்)
• அக்சர் பட்டேல் (2026-ல் இங்கிலாந்துக்கு எதிராக 57* ரன்கள், 4 விக்கெட்டுகள்)

தற்போது இங்கிலாந்துக்கு எதிராக பர்மிங்காமில் நடைபெற்ற போட்டியில் 57 ரன்கள் மற்றும் 4 விக்கெட்டுகளை வீழ்த்தியதன் மூலம், இந்த மாபெரும் வீரர்களின் சாதனைப் பட்டியலில் அக்சர் பட்டேலும் இணைந்துள்ளார். முன்னதாக இந்தப் போட்டியில் டாஸ் வென்று முதலில் பேட்டிங் செய்த இங்கிலாந்து அணி ஜோ ரூட் (76 ரன்கள்) மற்றும் லியாம் டாசன் (68 ரன்கள்) ஆகியோரின் பொறுப்பான ஆட்டத்தால் 258 ரன்கள் எடுத்தது. இந்திய அணி தரப்பில் அக்சர் பட்டேல் 4 விக்கெட்டுகளை வீழ்த்தி இங்கிலாந்தின் பின்வரிசை ஆட்டக்காரர்களைச் சுருட்டினார்.

IND vs ENG: “இந்திய அணியின் வெற்றிக்கு காரணமே இவங்கதான்.. நம்பிக்கை தந்திருக்காங்க”.. கில் மகிழ்ச்சி

இதையடுத்து 259 ரன்கள் என்ற இலக்குடன் களம் இறங்கிய இந்திய அணி, ஒருகட்டத்தில் 160 ரன்களுக்கு 4 விக்கெட்டுகளை இழந்து தடுமாறியது. அப்போது ஜோடி சேர்ந்த வாஷிங்டன் சுந்தர் மற்றும் அக்சர் பட்டேல் ஜோடி மிகவும் பொறுப்புடன் விளையாடி அரைசதம் அடித்தனர். இருவரும் ஆட்டமிழக்காமல் நின்று இந்திய அணியை வெற்றியை நோக்கி அழைத்துச் சென்றனர். சுந்தர் - அக்சர் ஜோடியின் அபார ஆட்டத்தால் இந்திய அணி 45.2 ஓவர்களில் 262 ரன்கள் எடுத்து, 6 விக்கெட் வித்தியாசத்தில் அபார வெற்றி பெற்றது.

IND vs ENG: பெரிய பேட்ஸ்மேன்களே வேண்டாம்.. இந்தியா வெற்றி.. இங்கிலாந்தை வீழ்த்திய சுந்தர், அக்சர்