Click it and Unblock the Notifications
பென் ஸ்டோக்ஸ் கேப்டன்
வழக்கமான கேப்டன் ஜோ ரூட் முதல் டெஸ்ட் போட்டியில் விளையாட முடியாத நிலை ஏற்பட்டுள்ளது. அவரது மனைவிக்கு 2வது குழந்தை பிறந்திருப்பதால் அவரால் பங்கேற்க முடியாத நிலை. எனவே பென்ஸ்டோக்ஸ் கேப்டனாக செயல்படவுள்ளார். இதனால் பென் ஸ்டோக்ஸ் மகிழ்ச்சி அடைந்துள்ளார். அதேசமயம், இதை நான் எதிர்பார்க்கவில்லை என்றும் பென் ஸ்டோக்ஸ் கூறியுள்ளார்.
பெரும் கெளரவம்
இன்னும் கேப்டன் மன நிலைக்குள் நான் போகவில்லை. இது சாதாரண விஷயமில்லை. இங்கிலாந்து கிரிக்கெட் அணிக்கு கேப்டன் என்பது மிகப் பெரிய கெளரவம். ஒரே ஒரு தடவை கேப்டனாக இருந்தாலும் கூட அது நமது வாழ்நாள் கிரிக்கெட் வாழ்க்கைக்கும் பெருமை தரக் கூடியது. போதுமானது. எனவே நான் மகிழ்ச்சியாக உள்ளேன். இந்த வாய்ப்பை நான் எதிர்பார்க்கவில்லை என்றாலும் கூட கிடைத்த இந்த வாய்ப்பை இங்கிலாந்துக்கு பெருமை தரக் கூடியதாக மாற்றுவேன் என்றார் அவர்.
ஜோ போட்ட ரூட்டு
ஜோ ரூட் போட்ட வழியில்தான் நானும் பயணிக்கப் போகிறேன். புதிதாக எதையும் எதிர்பார்க்காதீர்கள். அவரால் ஆட முடியவில்லை என்பதால்தான் நான் அவரது ஷூவை அணிகிறேன்.. எனவே அவரது பாணியில்தான் நானும் யோசிப்பேன். அதேசமயம், வெற்றிதான் எங்களது மனதில் இருக்கும். அதற்கேற்ப திட்டமிடுவோம் என்றார் பென் ஸ்டோக்ஸ்.
அதிரடி ஆட்டம்
கடந்த வருடம் நடந்த உலகக் கோப்பைத் தொடரில் ஜோ ரூட் தலைமையில் அபாரமாக ஆடி இங்கிலாந்து கோப்பையை வென்றது. அதில் பென் ஸ்டோக்ஸின் பங்கும் மிக முக்கியமானதாக இருந்தது. மேலும் ஜோ ரூட்டுக்கு மிகவும் அட்டகாசமான துணை கேப்டனாகவும் பென் ஸ்டோக்ஸ் செயல்பட்டு வருகிறார். எனவே ஜோ ரூட்டின் இடத்தை அவர் சரியாக நிரப்புவார் என எதிர்பார்க்கப்படுகிறது.
