வங்கதேசத்திற்கு எதிராக
அந்த மூன்றாவது ஒருநாள் போட்டியில், முதலில் ஆடிய வங்கதேசம் 301 ரன்கள் குவித்தது. அடுத்து ஆடிய வெஸ்ட் இண்டீஸ் ஐம்பது ஓவர்களில் 283 ரன்கள் மட்டுமே எடுத்தது. பதினெட்டு ரன்கள் வித்தியாசத்தில் வங்கதேசம் வெற்றி பெற்றது.
அப்ரிடியை வீழ்த்த இன்னும் ஒரு சிக்ஸ்
அப்ரிடி 524 போட்டிகளில் 476 சிக்ஸர்கள் அடித்துள்ளார். அவரை விட 81 போட்டிகள் குறைவாக, 443 போட்டிகளில் 476 சிக்ஸர்கள் அடித்துள்ளார் கெயில். அடுத்து வரும் ஆகஸ்ட் 1 முதல், வங்கதேசத்திற்கு எதிரான டி20 தொடர் நடைபெற உள்ளதால், இன்னும் ஒரு சிக்ஸ் மட்டும் அடிக்கும் பட்சத்தில் அப்ரிடியை வீழ்த்தி அதிக சிக்ஸர்கள் அடித்தவர் சாதனை புரிவார் என எதிர்பார்க்கப்படுகிறது. டெஸ்ட் போட்டிகள், ஒருநாள் போட்டிகள் மற்றும் டி20 போட்டிகளில் அடிக்கும் அனைத்து சிக்ஸர்களையும் சேர்த்தே இந்த சாதனை கணக்கிடப்படுகிறது.
தோனியால் முடியாது
தற்போது சர்வதேச போட்டிகளில் விளையாடி வருபவர்களில் கிறிஸ் கெயில் தவிர்த்து முதல் பத்து இடங்களில் இருப்பவர்கள், இந்தியாவின் தோனி மற்றும் ரோஹித் சர்மா மட்டுமே. இதில் ஐந்தாவது இடத்தில் இருக்கும் தோனி 504 போட்டிகளில் 342 சிக்ஸர்கள் அடித்து இருக்கிறார். டெஸ்ட் போட்டிகளில் ஒய்வு பெற்று விட்ட தோனி, இன்னும் சில ஆண்டுகளே சர்வதேச போட்டிகளில் விளையாடுவார் என்பதால், கெயிலின் சாதனையைத் தொட முடியாது.
ரோஹித் முறியடிப்பாரா?
அடுத்து ஏழாவது இடத்தில் இருக்கும் ரோஹித் சர்மா, 292 போட்டிகளில் 291 சிக்ஸர்கள் அடித்து இருக்கிறார். தற்போது 31 வயதாகும் அவர், இன்னும் சில ஆண்டுகள் அனைத்து கிரிக்கெட் வடிவிலும் விளையாடி, அதிக சிக்ஸர்கள் அடித்தால் கிறிஸ் கெயிலை நெருங்க வாய்ப்பு இருக்கிறது.