சாம்பியன்ஸ் லீக்: 5 ரன்கள் மட்டும் எடுத்த டெண்டுல்கர்! மும்பை இந்தியன்ஸ் அணிக்கு முதல் வெற்றி!

ஜெய்ப்பூர்: சாம்பியன்ஸ் லீக் 20 ஓவர் கிரிக்கெட் போட்டியில் மும்பை இந்தியன்ஸ் அணி முதல் வெற்றியை பெற்றுள்ளது.

ஜெய்ப்பூரில் நடைபெற்ற ஏ பிரிவுக்கான லீக் ஆட்டத்தில் மும்பை இந்தியன்ஸ் அணி, தென்னாப்ரிக்காவின் லயன்ஸ் அணியை எதிர் கொண்டது.

டாஸ் வென்ற மும்பை அணி, பீல்டிங்கை தேர்வு செய்தது. லயன்ஸ் அணி 20 ஓவர்களில் 5 விக்கெட்டுகளை இழந்து 140 ரன்கள் எடுத்தது. அந்த அணியின் கேப்டன் ஆல்விரோ பீட்டர்ஸன் ஆட்டமிழக்காமல் 35 ரன்கள் எடுத்தார்.

பின்னர் களமிறங்கிய மும்பை அணியின் தொடக்க ஆட்டக்காரர் சச்சின் டெண்டுல்கர் 5 ரன்களில் ஆட்டமிழக்க, தினேஷ் கார்த்திக், ரோஹித் சர்மாவும் சீரான இடைவெளியில் வெளியேறினர்.

19வது ஓவரில் மும்பை இந்தியன்ஸ் அணி வெற்றி இலக்கை எட்டியது. 47 பந்துகளில் 63 ரன்கள் குவித்து இறுதி வரை ஆட்டமிழக்காமல் இருந்த ஸ்மித் ஆட்டநாயகனாக தேர்வு செய்யப்பட்டார்.