அடித்துள்ளார்
இருவருமே வாக்குவாதத்தில் ஈடுபட்டபோது, வாக்கிங் சென்ற பிற முதியவர்களும், அம்பத்தி ராயுடு செய்தது தவறு என்று கூறியுள்ளனர். இதனால் கோபம் தலைக்கு ஏறிய ராயுடு, அந்த முதியவரை சட்டை காலரை பிடித்து அடித்துள்ளார். இதை பார்த்த ஏரியாவாசிகள் அதிர்ச்சியடைந்தனர். சில இளைஞர்கள் ஓடி வந்து அம்பத்தி ராயுடுவை விலக்கி விட்டுள்ளனர்.
வீடியோ
சிலர் இந்த காட்சியை செல்போனில் வீடியோவாக பதிவு செய்துவிட்டனர். அந்த வீடியோ இப்போது வைரலாக சுற்றி வருகிறது. ஆனால், அந்த பெரியவரோ, ராயுவுக்கு எதிராக போலீசில் புகார் அளிக்க விரும்பவில்லை, பெயரையும் வெளியே தெரிவிக்க விரும்பாமல் சென்றுவிட்டார்.
மீடியாக்களுக்கு வெளியீடு
விஜய் என்பவர் இந்த வீடியோவை மீடியாக்களுக்கு பகிரங்கமாக வெளியிட்டார். இதுபோன்ற அதிகார தோரணைகளை தன்னால் சகித்துக்கொள்ள முடியாது என்றும், எனவே நியாயத்தின் பக்கம் நிற்க வேண்டும் என்பதற்காக வீடியோவை வெளியிடுவதாகவும் விஜய் தெரிவித்தார்.
இவருக்கு புதிது கிடையாது
2005ம் ஆண்டு டிசம்பரில், ராயுடு மீது இதேபோன்ற சர்ச்சை எழுந்தது. ஆந்திர கிரிக்கெட் சங்க செயலாளர் சிவலால் யாதவ் மகன் அர்ஜுன் யாதவை அடித்ததாக ராயுடு மீது புகார் எழுந்திருந்தது. இருவரும் உக்கிரமாக மோதியபோது அம்பயர்கள்தான் வந்து விலக்கி விட்டனர்.