1 வாரமாக விடப்பட்ட தூது.. எதற்கும் அடிபணியாத நிர்வாகம்.. கடைசியில் தோல்வி அடைந்த தோனியின் முயற்சி

ஹைதராபாத் அணி

ஹைதராபாத் அணியின் மூத்த வீரர் கேன் வில்லியம்சனை சிஎஸ்கேவிற்குள் இழுக்க கடுமையான முயற்சிகள் நடந்ததாக கூறப்படுகிறது. ஆனால் இந்த முயற்சிகள் எதற்கும் ஹைதராபாத் அணி மசியவில்லை. கேன் வில்லியம்சனை கொடுக்கவே முடியாத என்பதில் ஹைதராபாத் அணி உறுதியாக இருந்தது.

டிரான்ஸ்பர்

2021 ஐபிஎல் தொடருக்கு முன் இவரை டிரான்ஸ்பர் அடிப்படையில் சிஎஸ்கே அணிக்குள் கொண்டு வர அணி நிர்வாகம் முயன்றது. அணியின் பயிற்சியாளர் பிளமிங் தொடங்கி அணியின் கேப்டன் தோனி வரை எப்படியாவது வில்லியம்சனை சிஎஸ்கே அணிக்குள் கொண்டு வர வேண்டும் என்று முயற்சி செய்தனர்.

வில்லியம்சன்

ஆனால் ஹைதராபாத் அணியும் சரி, அணியின் கேப்டன் டேவிட் வார்னரும் சரி கேன் வில்லியம்சனை அணியில் இருந்து வெளியேற்றும் எண்ணத்தில் இல்லை. இதற்காக சில தூதுக்கள் அனுப்பப்பட்ட பின்பும் கூட கேன் வில்லியம்சனை தக்க வைக்கவே ஹைதராபாத் அணி ஆர்வம் தெரிவித்தது.

மோசம்

இதனால் கடைசியில் சிஎஸ்கே அணி வில்லியம்சனுக்கு வலைவீசும் திட்டத்தை தாற்காலிகமா கைவிட்டது. இவரை 2022 ஐபிஎல்லில் நடக்கும் பெரிய ஏலத்தில் கைப்பற்றலாம் என்று சிஎஸ்கே திட்டமிட்டுள்ளது. வருங்கால கேப்டனாக இவரை கொண்டு வரும் எண்ணத்தில் வில்லியம்சனுக்கு சிஎஸ்கே வலைவிரிக்க உள்ளது.