Click it and Unblock the Notifications
23வது போட்டி
ஐபிஎல் 2021 தொடரின் இன்றைய 23வது போட்டியில் ஆர்சிபி மற்றும் டெல்லி அணிகள் மோதின. அகமதாபாத்தில் நடைபெற்ற இந்த போட்டியில் டாஸ் வென்ற டெல்லி அணி பீல்டிங்கை தேர்வு செய்த நிலையில் முதலில் பேட்டிங் செய்த ஆர்சிபி 5 விக்கெட்டுகள் இழப்பிற்கு 171 ரன்களை அடித்திருந்தது.
பட்டிதார் அதிரடி ஆட்டம்
இந்த போட்டியில் துவக்க வீரர்கள் விராட் கோலி மற்றும் படிக்கல் முறையே 12 மற்றம் 17 ரன்களில் வெளியேறிய நிலையில், அடுத்ததாக விளையாடிய பட்டிதார் மற்றும் தொடர்ந்து விளையாடிய ஏபி டீ வில்லியர்ஸ் சிறப்பான ஆட்டத்தை அளித்தனர். பட்டிதார் 31 ரன்களை அடித்திருந்தார்.
75 ரன்கள்
தொடர்ந்து விளையாடிய ஏபி டீ வில்லியர்ஸ் 42 பந்துகளில் 75 ரன்களை குவித்தார். அவரது அதிரடியில் 3 பவுண்டரிகள் மற்றும் 5 சிக்ஸ்கள் பறந்தன. பவர்ப்ளேவில் 36 ரன்களை மட்டுமே அடித்து ஆர்சிபி தவித்த நிலையில் தன்னுடைய அதிரடி மூலம் டீ வில்லியர்ஸ் அணியின் ஸ்கோரை சிறப்பாக உயர்த்தினார்.
டீ வில்லியர்ஸ் சிறப்பு
குறிப்பாக இறுதி ஓவரில் 23 ரன்களை ஆர்சிபி வீரர்கள் அடித்திருந்தனர். இதில் 20 ரன்களை டீ வில்லியர்ஸ் மட்டுமே அடித்திருந்தார். இதில் 3 சிக்ஸ்கள் அடக்கம். இன்றைய போட்டியில் ஐபிஎல்லில் 5,000 ரன்களை அடித்துள்ளார். 40 சராசரியில் இந்த ரன்களை அடைந்துள்ள ஒரே வீரர் இவர்.
Continue with Google