ஒரே போட்டியில் மூன்று சாதனை படைத்த 'தல' டோணி

கபில்

உலகக் கோப்பை போட்டியில் அதிகபட்சமாக 11 போட்டிகளில் வென்ற கேப்டன் என்ற கபில் தேவின் சாதனையை டோணி முறியடித்துள்ளார். உலகக் கோப்பை போட்டிகளில் 12 போட்டிகளில் வென்ற கேப்டனாக ஆகியுள்ளார் டோணி.

கங்குலி

வெளிநாடுகளில் நடந்த சர்வதேச ஒருநாள் போட்டிகளில் அதிகமாக 58 போட்டிகளில் வெற்றி பெற்றிருந்த சவ்ரவ் கங்குலியின் சாதனையை டோணி(59 வெற்றிகள்) இன்று முறியடித்துள்ளார்.

9 போட்டிகள்

உலகக் கோப்பை போட்டிகளில் தொடர்ந்து 9 போட்டிகளில் வென்ற இந்திய அணியின் கேப்டன் என்ற பெருமையை பெற்றுள்ளார் டோணி. முந்தைய மற்றும் தற்போதைய உலகக் கோப்பை தொடர்களை சேர்த்து மொத்தம் 9 போட்டிகளில் டோணி தலைமையிலான இந்திய அணி தொடர் வெற்றி பெற்றுள்ளது.

சாதனை

2003ம் ஆண்டு நடந்த உலகக் கோப்பையில் கங்குலி தலைமையிலான அணி தொடர்ந்து 8 போட்டிகளில் வெற்றி பெற்றிருந்தது. தற்போது அந்த சாதனையை டோணி தலைமையிலான அணி முறியடித்துள்ளது.

அடுத்தது?

இந்தியா மீண்டும் உலகக் கோப்பையை வென்றால் கோப்பையை தக்க வைத்துக் கொண்ட முதல் இந்திய கேப்டன் என்ற பெருமையை டோணி பெறுவார்.