பிராக்டீஸ் மேட்ச்லயே அதிரடி காட்டிய கேகேஆர் முன்னாள் கேப்டன்... அடி தூள்!

கேகேஆர் பயிற்சி போட்டி

ஐபிஎல் 2021 தொடருக்காக அனைத்து அணிகளும் மிகவும் சிறப்பாக தங்களை தயார் படுத்தி வருகின்றன. ஆர்சிபி நேற்றைய தினம் தனது பயிற்சிப் போட்டியை நடத்தி முடித்துள்ளது. இதேபோல கேகேஆர் அணியும் அணிக்குள்ளாக பயிற்சி போட்டியை நடத்தியுள்ளது.

கார்த்திக் அதிரடி

டிஒய் படேல் மைதானத்தில் நடைபெற்ற இந்த போட்டியில் பென் கட்டிங் மற்றும் சுப்மன் கில் தலைமையில் அணிகள் மோதின. இதில் முதலில் ஆடிய சுப்மன் கில் தலைமையிலான அணி 175 ரன்களை குவித்தது. அந்த அணியின் தினேஷ் கார்த்திக் அதிரடியாக 90 ரன்களை குவித்தார்.

அதிரடி வெற்றி

4வது ஆட்டக்காரராக களமிறங்கிய தினேஷ் கார்த்திக், 90 ரன்களை அடித்த நிலையில் இறுதி ஓவரில் சுனில் வாரியர் பந்தில் அவுட்டானார். அடுத்து ஆடிய கட்டிங் தலைமையிலான அணி 7 பந்துகள் மீதமிருந்த நிலையில் அந்த ரன்களை சேஸ் செய்து வெற்றி பெற்றுள்ளது. அந்த அணியின் டிம் செய்பர்ட் மிகவும் சிறப்பாக ஆடி, ஆட்டநாயகன் விருதை தட்டி சென்றார்.

எஸ்ஆர்எச்சுடன் மோதல்

கடந்த சீசனில் காயமடைந்த அலி கானுக்கு பதிலாக களமிறங்கிய செய்பர்ட், சிறப்பாக செயலாற்றி அந்த அணியில் இந்த சீசனிலும் தொடர்கிறார். இந்த சீசனில் வரும் 11ம் தேதி கேகேஆர் அணி சன்ரைசர்ஸ் ஐதராபாத் அணியுடன் மோதவுள்ளது. இதற்கென இரு அணிகளும் சிறப்பாக தயாராகி வருகின்றன.