ஆன்டிகுவா டெஸ்ட்... "அட்டாக்" வெற்றியை நோக்கி இந்திய அணி!

2 நாள் ஆட்டம் பாக்கி

இன்னும் 2 நாள் ஆட்டம் பாக்கி உள்ளது. இந்திய அணியின் பந்து வீச்சும் சிறப்பாக உள்ளது. எனவே இந்தியா இன்னிங்ஸ் வெற்றியைப் பெறும் நிலையில் உள்ளது.

சபாஷ் சமி

இந்திய பேட்டிங் அசத்திய நிலையில் தற்போது பவுலர்கள் கலக்கி வருகின்றனர். மேற்கு இந்தியத் தீவுகளை முடக்கிப் போட முக்கியக் காரணம் முகம்மது சமியும், உமேஷ் யாதவும்தான். இருவரும் தலா 4 விக்கெட்களைச் சாய்த்தனர்.

போராடிய டோரிச்

மறுபக்கம் கேப்டன் ஜேசன் ஹோல்டரும், ஷான் டோரிச்சும் ரன் குவிக்கப் போராடினர். டோரிச் 57 ரன்கள் எடுத்து கடைசி வரை ஆட்டமிழக்காமல் இருந்தார். கேப்டன் ஹோல்டர் 36 ரன்களை எடுத்தார். இருவரும் சேர்ந்து 8வது விக்கெட்டுக்கு 69 ரன்களைச் சேர்த்தனர்.

302 ரன்கள் பின்தங்கிய நிலையில்

தற்போது மேற்கு இந்தியத் தீவுகள் அணி இந்தியாவை விட 302 ரன்கள் பின்தங்கிய நிலையில் உள்ளது. இன்னும் 2 நாட்கள் ஆட்டம் நடைபெறவுள்ள நிலையில் இந்தியாவுக்கு வெற்றி வாய்ப்பு மிகப் பிரகாசமாக உள்ளது.