ஆகஸ்ட் 14 சாதாரண நாள் இல்லை.. பிராட்மேன் தவறவிட்ட கடைசி சாதனை.. பிள்ளையார் சுழி போட்ட சச்சின்!

மும்பை : ஆகஸ்ட் 14ஆம் தேதி இரண்டு தலைசிறந்த பேட்ஸ்மேன்களுக்கு மறக்க முடியாத நாள்.

டான் பிராட்மேன் மற்றும் சச்சின் டெண்டுல்கர் தான் அந்த இருவர். ஆகஸ்ட் 14 ஒருவரின் கிரிக்கெட் வாழ்க்கை முடிவுக்கு வந்தது. மற்றொருவரின் வாழ்வில் அது தொடக்கப் புள்ளியாக அமைந்தது.

அதே நாளில் ஒருவரால் 100 என்ற மைல்கல்லை எட்ட முடியாமல் போனது. மற்றவர் 100 என்ற மைல்கல்லை எட்ட அந்த நாள் பிள்ளையார் சுழி போட்டது.

ஐ'யம் வெரி சாரி கோலி... ! டீம்ல எடுக்காம சதி பண்ணி ஏமாத்திட்டாங்க..! புலம்பி தள்ளிய பவுலர்

கடைசி போட்டி

கடைசி போட்டி

1948ஆம் ஆண்டு ஆஷஸ் தொடர். இங்கிலாந்தை புரட்டி எடுத்த ஆஸ்திரேலியா 3 - 0 என்ற கணக்கில் டெஸ்ட் தொடரை கைப்பற்றியது. கடைசி டெஸ்ட் போட்டியில் இரு அணிகளும் மோதின. அது தான் டான் பிராட்மேனின் கடைசி போட்டி.

ஆஸ்திரேலியா பேட்டிங்

ஆஸ்திரேலியா பேட்டிங்

அந்தப் போட்டி ஆகஸ்ட் 14, 1948 அன்று தொடங்கியது. அதே நாளில் இங்கிலாந்து அணி 52 ரன்களுக்கு சுருண்டது. ஆஸ்திரேலியா பேட்டிங் ஆட வந்தது. துவக்க வீரர்கள் 117 ரன்கள் சேர்த்தனர். அடுத்து பிராட்மேன் களம் கண்டார்.

பெரிய அதிர்ச்சி

பெரிய அதிர்ச்சி

பலத்த வரவேற்புக்கு இடையே பேட்டிங் செய்ய வந்த அவர் இரண்டாவது பந்திலேயே ரன் ஏதும் எடுக்காமல் ஆட்டமிழந்தார். அது பெரிய அதிர்ச்சியாக அமைந்தது. அந்தப் போட்டியில் ஆஸ்திரேலியா இரண்டாம் இன்னிங்க்ஸ் ஆட வேண்டிய நிலையும் ஏற்படவில்லை.

அதை தவறவிட்டார்

அதை தவறவிட்டார்

தன் கடைசி போட்டியில் ஆகஸ்ட் 14 அன்று டக் அவுட் ஆன பிராட்மேன் டெஸ்ட் பேட்டிங் சராசரியாக 100 என்ற மைல்கல்லை பதிக்கத் தவறினார். டக் அவுட் ஆனதால் 100க்கும் மேல் இருந்த அவரது சராசரி சரிந்து, 99.94 என்பதோடு நின்றது.

சச்சின் ஆடிய போட்டி

சச்சின் ஆடிய போட்டி

சுமார் 42 ஆண்டுகள் கழித்து 19 வயது சச்சின் அதே இங்கிலாந்து அணியை எதிர்த்து ஆடினார். முதல் டெஸ்டில் இங்கிலாந்து வெற்றி பெற்று இரண்டாம் டெஸ்ட்டை கைப்பற்றி தொடரை வெல்ல ஆவலாக இருந்தது. இரண்டாம் டெஸ்டின் கடைசி நாளில் இந்தியா 408 ரன்கள் எடுத்தால் வெற்றி என்ற இக்கட்டான நிலை.

முதல் சதம்

முதல் சதம்

அந்த டெஸ்டின் கடைசி நாள் ஆகஸ்ட் 14. இந்தியா விக்கெட்களை இழந்து கொண்டே வர சச்சின் மட்டும் களத்தில் நீடித்து நின்றார். வெற்றி என்பது எட்டக்கனியாகி விட்டாலும் போட்டியை டிரா செய்ய முயற்சித்தது இந்தியா. போட்டியை டிரா செய்யும் கடின முயற்சியில் 19 வயது சச்சின் தன் முதல் சதம் அடித்தார்.

பெரிய மைல்கல் சாதனை

பெரிய மைல்கல் சாதனை

ஆகஸ்ட் 14 அன்று தன் முதல் சதம் அடித்த சச்சின் பின்னர் 100 சதங்கள் அடித்து கிரிக்கெட்டில் பெரிய மைல்கல்லை எட்டினார். கிரிக்கெட்டின் இரு ஜாம்பவான்களும் வெவ்வேறு காலத்தில் வாழ்ந்தாலும் ஆகஸ்ட் 14 ஏதோ ஒரு வகையில் அவர்களை இணைத்துள்ளது.

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

English summary
Don Bradman - Sachin Tendulkar has a connection with August 14
Story first published: Wednesday, August 14, 2019, 16:53 [IST]
Other articles published on Aug 14, 2019
POLLS
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more