27ம் தேதி பைனல்ஸ்
இந்தப் போட்டியில் வெற்றி பெறும் அணியே, 27ம் தேதி மும்பையில் நடக்கும் பைனல்ஸ் போட்டியில் சென்னை சூப்பர் கிங்ஸ் அணியுடன் விளையாடும்
கொல்கத்தா எழுச்சி
தமிழரான தினேஷ் கார்த்திக் கேப்டனாக உள்ள கொல்கத்தா அணி, லீக் ஆட்டங்களில் மாறி மாறி வெற்றி, தோல்வி அடைந்து வந்தது. ஒரு கட்டத்தில் பிளே ஆப் வாய்ப்பு சந்தேகம் என்ற நிலையில் இருந்தது. இருப்பினும் கடைசி மூன்று லீக் ஆட்டங்களிலும் வென்றது. எலிமினேட்டரிலும் வென்றுள்ளது.
ஹைதராபாத் தோல்விகள்
இந்த சீசனின் துவக்கத்தில் இருந்தே புள்ளிப் பட்டியலில் முதல் இரண்டு இடத்தில் இருந்து வந்த ஹைதராபாத், முதல் அணியாக பிளே ஆப் முன்னேறியது. ஆனால், லீக் சுற்றில் கடைசி மூன்று ஆட்டங்களிலும், முதல் தகுதிச் சுற்றிலும் தோல்வியடைந்துள்ளது.
யாருக்கு வாய்ப்பு
பைனல்ஸ் நுழைவதற்கு கடைசி வாய்ப்பாக கொல்கத்தாவில் நாளை இரவு 7 மணிக்கும் நடக்கும் 2-வது தகுதிச் சுற்று ஆட்டம் அமைய உள்ளது. இதில் வெற்றி பெற்று பைனல்ஸ் நுழையப் போவதா கொல்கத்தாவா, ஹைதராபாத்தா?