“அவங்கள பார்த்து கேள்வி எழுப்புங்க” கே.எல்.ராகுலுக்கு கம்பீர் சொன்ன அட்வைஸ்.. சீனியர்கள் மீது சாடல்

இலங்கை தொடர்

இதில் அனைவருக்கும் அதிர்ச்சி கொடுத்த விஷயம் கே.எல்.ராகுல் மீது நடவடிக்கை எடுத்திருப்பது தான். தொடர்ச்சியாக சொதப்பி வரும் கே.எல்.ராகுல் சமீபத்தில் நடந்த வங்கதேச டெஸ்ட் தொடரிலும் 22, 23, 10, 2 என மோசமான ஆட்டத்தை வெளிப்படுத்தினார். இதனால் அவர் இந்தியாவின் டி20 அணியில் இருந்து நீக்கப்பட்டுள்ளார். இதுமட்டுமல்லாமல் கே.எல்.ராகுலிடம் இருந்த துணைக்கேப்டன் பதவியும் பறிக்கப்பட்டு, ஹர்திக்கிடம் கொடுக்கப்பட்டுள்ளது.

கம்பீரின் அட்வைஸ்

இந்நிலையில் கே.எல்.ராகுலுடன் லக்னோ அணியில் பணிபுரியும் கவுதம் கம்பீர் அட்வைஸ் கூறியுள்ளார். அதில், நம்மால் கட்டுப்படுத்தக்கூடிய விஷயத்தை மட்டுமே கட்டுப்படுத்த முடியும். தேர்வுக்குழுவை கட்டுப்படுத்த முடியாது. அடுத்த தொடரில் என்ன நடக்கும் என்பதை முடிவு செய்ய முடியாது. எனவே இந்த முறை 3 ஒருநாள் போட்டிகளில் ஆடும் வாய்ப்பு கிடைத்துள்ளது. அதனை சரியாக பயன்படுத்தி விளையாட வேண்டும்.

அழுத்தம் தேவையில்லை

நம்மால் மாற்ற முடியாத விஷயத்தை நினைத்து நம்மை நாமே அழுத்தத்தில் போட்டுக்கொள்ள கூடாது. நீங்கள் சரியாக ஆடவில்லை என்றால் வேறு ஒருவர் வரத்தான் செய்வார். அது சஞ்சு சாம்சன், கே.எல்.ராகுலுக்கு மட்டுமல்ல, விராட் கோலி, ரோகித் சர்மாவுக்கும் இதே விதிமுறைதான். அவர்கள் குறித்தும் நீங்கள் கேள்வி எழுப்பலாம். யாருமே இங்கு நிரந்தரமானவர்கள் கிடையாது. சிறப்பாக விளையாடி இடத்தை தக்கவையுங்கள் என கம்பீர் கூறியுள்ளார்.

உலகக்கோப்பை ப்ளான்

2023ம் ஆண்டு உலகக்கோப்பை பணிகள் தற்போது இருந்தே தொடங்கின. கே.எல்.ராகுல் மற்றும் ரிஷப் பண்ட் ஆகியோர் சிறப்பாக செயல்படவில்லை என்பதால் அவர்களுக்கு மாற்றாக சஞ்சு சாம்சன் மற்றும் இஷான் கிஷான் ஆகியோரை அணிக்குள் கொண்டு வந்துள்ளனர். எனவே கிடைக்கும் வாய்ப்பை சரியாக பயன்படுத்திக்கொள்ள வேண்டிய இக்கட்டான சூழலில் கே.எல்.ராகுல் சிக்கியுள்ளார்.