ஐசிசி ஒருநாள் போட்டிக்கான தரவரிசை - பும்ரா முதலிடம்.. முன்னேற்றம் கண்ட இந்திய வீரர்கள்

பும்ரா முதலிடம்

இதன் மூலம் தற்போது வெளியிடப்பட்டுள்ள ஐசிசி ஒருநாள் பந்து வீச்சாளர்களுக்கான தரவரிசை பட்டியலில் பும்ரா ஐந்து இடங்கள் முன்னேறி தற்போது நியூசிலாந்து வீரர் ட்ரெண்ட் போல்டை பின்னுக்கு தள்ளி பும்ரா முதலிடத்தை பிடித்துள்ளார் . பும்ரா கடந்த 2020 ஆம் ஆண்டு பிப்ரவரி மாதம் தனது முதல் இடத்தை ட்ரெண்ட் போல்டுக்கு தாரை வார்த்தார்.

பும்ராவின் சாதனை

இதன் மூலம் ஐசிசி ஒரு நாள் போட்டி தரவரிசை பட்டியலில் அதிக நாட்கள் முதலிடம் பிடித்த இந்திய பந்துவீச்சாளர் மற்றும் கபில்தேவுக்கு பிறகு ஐசிசி தர வரிசையில் முதலிடம் பிடித்துள்ள இந்திய வேகப்பந்துவீச்சாளர் என்ற பெருமைகளை பும்ரா பெற்றுள்ளார். தற்போது ஒரு நாள் மற்றும் டெஸ்ட்களில் தரவரிசை பட்டியலில் முதல் 10 இடங்கள் பிடித்துள்ள மூன்றாவது பந்துவீச்சாளர் பும்ரா ஆவார்.

மற்ற வீரர்கள்

இதேபோன்று இங்கிலாந்துக்கு எதிராக மூன்று விக்கெட்டுகளை வீழ்த்திய முகமது ஷமி தற்போது மூன்று இடங்கள் முன்னேறி 23 வது இடத்தை பிடித்துள்ளார்.ஒரு நாள் போட்டி பேட்ஸ்மேனுக்காண தரவரிசை பட்டியலில் இங்கிலாந்துக்கு எதிராக 76 ரன்கள் அடித்த ரோகித் சர்மா நான்காவது இடத்தில் நீடித்தாலும், விராட் கோலிக்கும் அவருக்கும் இடையிலான ரேட்டிங் தற்போது குறைந்துள்ளது. இதே போன்ற நட்சத்திர வீரர் தவான், இங்கிலாந்துக்கு எதிராக 31 ரன்கள் அடித்ததன் மூலம் ஒரு இடம் முன்னேறி தரவரிசை பட்டியலில் 12-வது இடத்தை பிடித்துள்ளார்.

சூரியகுமார் யாதவ்

இதேபோன்று ஐசிசி டி20 தரவரிசை பட்டியலில் சூரியகுமார் யாதவ் சிங்கப்பாய்ச்சலை பாய்ந்து உள்ளார். இங்கிலாந்துக்கு எதிராக மூன்றாவது t20 போட்டியில் 55 பந்துகளில் 117 ரன்கள் குவித்த சூரியகுமார் யாதவ், 44 இடங்கள் முன்னேறி தற்போது ஐந்தாவது இடத்தை பிடித்துள்ளார் . இதேபோன்று டி20 பந்து வீச்சாளருக்கான பட்டியலில் புவனேஸ்வர் குமார் 7 இடங்கள் முன்னேறி 14வது இடத்தில் இருந்து ஏழாவது இடத்தை பிடித்துள்ளார். இதேபோன்று ஹர்சல் பட்டேல் 10 இடங்கள் முன்னேறி 23வது இடத்தை பிடித்துள்ளார்.