IND A vs NZ A: 9 விக்கெட்டுகள் வீழ்த்திய இந்தியா ஏ.. வெற்றி அருகே வந்த போது டெஸ்ட் போட்டி டிரா

மும்பை: இந்தியா ஏ மற்றும் நியூசிலாந்து ஏ அணிகளுக்கு இடையிலான முதல் அதிகாரப்பூர்வமற்ற டெஸ்ட் போட்டி பரபரப்பான கட்டத்தில் டிராவில் முடிவடைந்தது. கடைசி விக்கெட்டை வீழ்த்தி வெற்றி பெற இந்திய அணி தீவிரமாக முயன்ற நிலையில், போதிய வெளிச்சமின்மை காரணமாக போட்டி டிராவில் முடிவடைந்தது.

தனது இரண்டாவது இன்னிங்ஸில் அபாரமாக ஆடிய இந்தியா ஏ அணி 516 ரன்களுக்கு அனைத்து விக்கெட்டுகளையும் இழந்தது. இதனையடுத்து, நியூசிலாந்து ஏ அணிக்கு 313 ரன்கள் வெற்றி இலக்காக நிர்ணயிக்கப்பட்டது. 313 ரன்கள் என்ற சவாலான இலக்கை நோக்கி இரண்டாம் இன்னிங்ஸை தொடங்கிய நியூசிலாந்து ஏ அணியை, இந்திய பந்துவீச்சாளர்கள் ஆரம்பம் முதலே கடும் நெருக்கடிக்கு உள்ளாக்கினர்.

நியூசிலாந்து அணி அடுத்தடுத்து விக்கெட்டுகளை இழந்து தடுமாறிய போதிலும், அந்த அணியின் தொடக்க ஆட்டக்காரர் கர்டிஸ் ஹீபி நிதானமாக ஆடி அணியை சரிவிலிருந்து மீட்க ஒற்றை ஆளாக போராடினார். ஆட்டத்தின் இறுதி கட்டத்தில் நியூசிலாந்து ஏ அணி 64.6 ஓவர்களில் 9 விக்கெட் இழப்பிற்கு 187 ரன்கள் எடுத்திருந்தபோது, போதிய வெளிச்சமின்மை காரணமாக நடுவர்களால் ஆட்டம் இடைநிறுத்தப்பட்டது.

IND vs NZ:டெஸ்ட் போட்டிக்கு என தனி பவுலர்கள்! மாற்று வீரர்களாக தனி குழு..பயிற்சியாளர் மோர்னே மோர்கல்

இந்திய அணிக்கு வெற்றி பெற ஒரே ஒரு விக்கெட் மட்டுமே தேவைப்பட்ட சூழலில், நியூசிலாந்து அணியின் கர்டிஸ் ஹீபி 187 பந்துகளில் 90 ரன்களுடனும், ஜெய்டன் லெனாக்ஸ் 6 ரன்களுடனும் களத்தில் ஆட்டமிழக்காமல் இருந்து அணியைத் தோல்வியிலிருந்து காப்பாற்றினர்.

Also Read

IND vs NZ: நியூசிலாந்து அணியின் டேஞ்சர் மேன் அவுட்.. ஆர்ஸ்தீப் சிங் வேகத்தில் நடையை கட்டினார்

இந்திய அணியின் பந்துவீச்சில் சுழற்பந்து வீச்சாளர் வாஷிங்டன் சுந்தர் 26 ரன்களுக்கு 1 விக்கெட்டையும், ஆகாஷ் தீப் 25 ரன்களுக்கு 1 விக்கெட்டையும், அன்ஷுல் கம்போஜ் 51 ரன்களுக்கு 1 விக்கெட்டையும் வீழ்த்தி எதிரணியின் ரன் வேகத்தைக் கட்டுப்படுத்தினர். இந்திய அணி வெற்றியின் அருகே வரை சென்ற போதிலும், இயற்கை குறுக்கிட்டதால் போட்டி சமனில் முடிந்தது. முதல் இன்னிங்சில் 113 ரன்களில் ஆட்டமிழந்த இந்திய அணி, 2வது இன்னிங்சில் 516 ரன்கள் குவித்து, அபாரமாக செயல்பட்டுள்ளது.