IND vs NZ: நியூசிலாந்து அணியின் டேஞ்சர் மேன் அவுட்.. ஆர்ஸ்தீப் சிங் வேகத்தில் நடையை கட்டினார்

வெலிங்டன்: நியூசிலாந்துக்கு எதிரான 3-வது டி20 போட்டியில் இந்திய அணி டாஸ் வென்று பந்துவீச்சைத் தேர்வு செய்துள்ளது. ஆட்டம் தொடங்கிய இரண்டாவது ஓவரிலேயே நியூசிலாந்து தொடக்க ஆட்டக்காரர் டிம் சீஃபெர்ட்டின் விக்கெட்டை அர்ஷ்தீப் சிங் வீழ்த்தி இந்திய அணிக்கு நல்ல தொடக்கத்தை கொடுத்துள்ளார்.

வெலிங்டன் ஹென்றி மைதானத்தில் நடைபெறும் இப்போட்டியில், இந்திய அணியின் கேப்டன் ஸ்ரேயாஸ் ஐயர் தொடர்ச்சியாக மூன்றாவது முறையாக டாஸ் வென்று முதலில் பந்துவீச்சைத் தேர்வு செய்தார். கடந்த போட்டியில் விளையாடிய அதே 11 வீரர்களுடன் இந்திய அணி இப்போட்டியிலும் களம் இறங்கியுள்ளது. காயம் காரணமாக இஷான் கிஷன் இப்போட்டியிலும் இடம்பெறவில்லை.

மறுபுறம், நியூசிலாந்து அணியில் மூன்று மாற்றங்கள் செய்யப்பட்டுள்ளன. மேட் ஹென்றி, லோக்கி ஃபெர்குசன் மற்றும் நாதன் ஸ்மித் ஆகியோருக்குப் பதிலாக கைல் ஜேமிசன், ஆடம் மில்னே மற்றும் மேத்யூ ஃபிஷர் ஆகியோர் அணியில் சேர்க்கப்பட்டுள்ளனர்.

IND vs NZ: இந்திய அணிக்கு கிடைத்த வைரம் இவர்.. 2 பேர் ஆட்டத்தை தான் எதிர்பார்க்கிறேன்.. ரஹானே

நியூசிலாந்து அணிக்கு ஃபின் ஆலன் மற்றும் டிம் சீஃபெர்ட் ஆகியோர் தொடக்க ஆட்டக்காரர்களாகக் களமிறங்கினர். இந்திய அணியின் புவனேஷ்வர் குமார் வீசிய முதல் ஓவரில் 4 ரன்கள் மட்டுமே எடுக்கப்பட்டன. அதைத் தொடர்ந்து இரண்டாவது ஓவரை வீசிய அர்ஷ்தீப் சிங், 1.2 ஓவரில் டிம் சீஃபெர்ட்டை கேட்ச் முறையில் ஆட்டமிழக்கச் செய்தார். 4 ரன்களுக்கு 1 விக்கெட் என்ற நிலையில் டேரில் மிட்செல் களமிறங்கியுள்ளார்.

Also Read

இந்திய டெஸ்ட் அணியிலிருந்து நீக்கம்.. ரஞ்சி போட்டியில் 7 விக்கெட் வீழ்த்தி அசத்திய 33 வயது வீரர்

5 போட்டிகள் கொண்ட இந்த டி20 தொடரில் முதல் இரண்டு போட்டிகளிலும் வெற்றி பெற்று இந்திய அணி 2-0 என்ற கணக்கில் முன்னிலையில் உள்ளது. இப்போட்டியில் வெற்றி பெற்றால் தொடரைக் கைப்பற்றும் வாய்ப்பு இந்திய அணிக்குக் கிடைக்கும்.