யார்க்கர் நடராஜனுக்கு வழிவிடும் டாப் வீரர்.. டீமை மாற்றிய கேப்டன் கோலி.. எகிறும் எதிர்பார்ப்பு!

நடராஜனுக்கு வாய்ப்பு

இந்திய டி20 அணியில் தேர்வு செய்யப்பட்ட நடராஜன், ஒருநாள் அணியில் கூடுதல் வீரராக சேர்க்கப்பட்டு இருந்தார். அவரை மூன்றாவது ஒருநாள் போட்டியில் ஆட வைத்து ஆச்சரியம் அளித்தார் கேப்டன் விராட் கோலி. அந்தப் போட்டியின் மூலம் சர்வதேச போட்டிகளில் அறிமுகம் ஆனார் நடராஜன்.

அசத்தல் ஆட்டம்

மூன்றாவது ஒருநாள் போட்டியில் நடராஜன் சிறப்பாக செயல்பட்டு 2 விக்கெட்கள் வீழ்த்தினார். இரண்டு ஓவர்களில் மட்டும் அதிக ரன்கள் விட்டுக் கொடுத்தார். அதைத் தவிர அவரது பந்துவீச்சு சிறப்பாக இருந்தது. நிறைய யார்க்கர் பந்துகளையும் வீசி இருந்தார்.

டி20 தொடர்

இந்த நிலையில், அடுத்து நடைபெற உள்ள டி20 தொடரில் அவருக்கு போட்டிகளில் ஆட வாய்ப்பு கிடைக்குமா? என்ற கேள்வி எழுந்தது. கேப்டன் கோலி நடராஜனை நிச்சயம் ஆட வைப்பார் என இந்திய அணி வட்டாரம் கூறி வருகிறது.

பும்ராவுக்கு ஓய்வு

ஒருநாள் தொடரில் பும்ரா முழுமையாக மூன்று போட்டிகளிலும் ஆடினார். எனவே, அவருக்கு டி20 தொடரில் ஓய்வு அளிக்கப்படும். அப்படி நடந்தால் நடராஜனுக்கு டி20 தொடரில் வாய்ப்பு கிடைக்கும். யார்க்கர் பந்து வீசுவதில் பும்ராவுக்கு பின் இந்திய அணிக்கு கிடைத்த முக்கிய பந்துவீச்சாளர் நடராஜன் என்பது குறிப்பிடத்தக்கது.

நம்பிக்கை

நடராஜன் ஐபிஎல் தொடரில் சிறப்பாக செயல்பட்டார். அதை அடுத்து தற்போது ஒருநாள் தொடரிலும் சிறப்பாக செயல்பட்டுள்ளார். இந்த நிலையில், அவர் மீது கேப்டன் விராட் கோலி மற்றும் பயிற்சியாளர் ரவி சாஸ்திரிக்கு நம்பிக்கை ஏற்பட்டுள்ளது.

முன்னணி

இந்திய அணியில் எப்போதும் பும்ரா, ஷமிக்கு மட்டுமே முக்கியத்துவம் இருந்து வந்த நிலையில் அந்த இடத்தை பிடிக்க பல இளம் வேகப் பந்துவீச்சாளர்கள் முயன்று வருகின்றனர். அதில் தாமதமாக இணைந்துள்ள நடராஜன் முன்னணியில் இருக்கிறார்.

வேகப் பந்துவீச்சாளர்கள் யார்?

டி20 தொடரில் ஷமி சில போட்டிகளில் ஆடக் கூடும். நவ்தீப் சைனிக்கு ஓய்வு அளிக்கவே அதிக வாய்ப்பு உள்ளது. தீபக் சாஹர், நடராஜன் அனைத்து போட்டிகளிலும் ஆடுவார்கள் என எதிர்பார்க்கப்படுகிறது. இந்த தொடரில் நடராஜன் சிறப்பாக செயல்பட்டால் இந்திய அணியில் நிரந்தர இடத்தை பிடிப்பார்.