IND vs NZ: அபிஷேக் சர்மா மாபெரும் உலக சாதனை.. முதல் பந்தில் யாரும் செய்யாத ரெக்கார்ட்

கிறிஸ்ட்சர்ச்: நியூசிலாந்துக்கு எதிரான முதலாவது டி20 கிரிக்கெட் போட்டியில், இந்திய தொடக்க ஆட்டக்காரர் அபிஷேக் சர்மா, சர்வதேச டி20 போட்டிகளில் தான் எதிர்கொண்ட முதல் பந்திலேயே அதிக முறை சிக்ஸர் அடித்த புதிய உலக சாதனையைப் படைத்துள்ளார். கிறிஸ்ட்சர்ச்சில் உள்ள ஹேக்லி ஓவல் மைதானத்தில் நடைபெற்ற இப்போட்டியில் இச்சாதனை எட்டப்பட்டது.

நியூசிலாந்து நிர்ணயித்த 226 ரன்கள் என்ற இலக்கை நோக்கி இந்தியா களமிறங்கியபோது, மேட் ஹென்றி வீசிய முதல் ஓவரின் ஆறாவது பந்தில் (தான் எதிர்கொண்ட முதல் பந்து) அபிஷேக் சர்மா சிக்ஸர் விளாசினார். இதன் மூலம், சர்வதேச டி20 போட்டிகளில் தான் எதிர்கொண்ட முதல் பந்திலேயே 7வது முறையாக சிக்ஸர் அடித்து உலக சாதனை படைத்தார்.

இதற்கு முன் ஆப்கானிஸ்தானின் ஷபிகுல்லா ஷின்வாரி 6 முறையும், இந்தியாவின் சூர்யகுமார் யாதவ் 5 முறையும் முதல் பந்தில் சிக்ஸர் அடித்திருந்ததே சாதனையாக இருந்தது. முதல் பந்தில் சிக்ஸர் அடித்த பிறகு, சில பந்துகளை நிதானமாக எதிர்கொண்ட அபிஷேக் சர்மா, பின்னர் லாக்கி ஃபெர்குசன் மற்றும் ஆடம் மில்னே ஆகியோரின் பந்துவீச்சில் அதிரடியைக் கூட்டினார்.

IND vs NZ டி20 தொடரில் பயன்படுத்தப்படும் சானிக் தொழில்நுட்பம்.. இனி யாரும் ஏமாற்ற முடியாது

மில்னே வீசிய ஓவரில் இரண்டு பவுண்டரிகள் மற்றும் இரண்டு சிக்ஸர்களைப் பறக்கவிட்ட அவர், 12 பந்துகளில் 3 சிக்ஸர்களுடன் 29 ரன்கள் குவித்து ஆட்டமிழந்தார். இவரது ஸ்டிரைக் ரேட் 241.67 ஆகும்.மைக்கேல் பிரேஸ்வெல் வீசிய ஆறாவது ஓவரில், ஆடம் மில்னேவிடம் கேட்ச் கொடுத்து அபிஷேக் சர்மா ஆட்டமிழந்தார்.

Also Read

IND vs NZ: அதிரடி காட்டிய நியூசிலாந்து வீரர் ஃபின் ஆலன்.. அடிச்சு தூக்கிய அக்சர் பட்டேல்

இருப்பினும், மற்றொரு தொடக்க ஆட்டக்காரரான சஞ்சு சாம்சனுடன் இணைந்து முதல் விக்கெட்டுக்கு வெறும் 35 பந்துகளில் 93 ரன்கள் சேர்த்து இந்திய அணிக்கு அதிரடி தொடக்கத்தை அமைத்துக் கொடுத்தார். அவர் ஆட்டமிழந்தபோது இந்திய அணி 5.5 ஓவர்களில் 1 விக்கெட் இழப்பிற்கு 93 ரன்கள் எடுத்திருந்தது.