IND vs NZ: வைபவ் சூர்யவன்ஷிக்கு ஜாக்பாட்.. சஞ்சு சாம்சன் வரிசையில் மாற்றம்: 2-வது டி20 பிளேயிங் 11

கிறைஸ்ட்சர்ச்: நியூசிலாந்து அணிக்கு எதிரான 5 போட்டிகள் கொண்ட சர்வதேச டி20 கிரிக்கெட் தொடரின் 2-வது போட்டி கிறைஸ்ட்சர்ச்சில் உள்ள ஹாக்லி ஓவல் மைதானத்தில் சனிக்கிழமை நடைபெறுகிறது. இஷான் கிஷன் காயத்தால் விலகி இருப்பதால் இந்தப் போட்டிக்கான பிளேயிங் 11 குறித்து எதிர்பார்ப்பு அதிகரித்துள்ளது.

வியாழக்கிழமை நடந்த முதல் போட்டியில் 226 ரன்கள் என்ற இமாலய இலக்கை 4 விக்கெட் வித்தியாசத்தில் விரட்டிப் பிடித்து இந்தியா வெற்றி பெற்றது. அந்த உற்சாகத்துடன் களமிறங்கும் ஸ்ரேயாஸ் ஐயர் தலைமையிலான இந்திய அணி, இந்த ஆட்டத்திலும் வெற்றி வாகை சூடி தொடரில் 2-0 என்ற முன்னிலையைப் பெறத் தீவிர முனைப்பு காட்டி வருகிறது.

இந்த முக்கியமான ஆட்டத்தில் இந்திய அணியின் முன்னணி விக்கெட் கீப்பர் பேட்டர் இஷான் கிஷன் விளையாட மாட்டார். முதல் போட்டியின் போது அவரது வலது தொடையில் தசைப்பிடிப்பு காயம் ஏற்பட்டதால் அவர் ஓய்வில் உள்ளார். அவருக்குப் பதிலாக இளம் வீரர் வைபவ் சூர்யவன்ஷி பிளேயிங் லெவனில் சேர்க்கப்படுவது உறுதியாகியுள்ளது. தொடக்க வீரரான வைபவ் உள்ளே வருவதால், அபிஷேக் சர்மாவுடன் இணைந்து அவர் இன்னிங்ஸைத் தொடங்குவார். இதனால் முதல் போட்டியில் தொடக்க வீரராக ஆடிய சஞ்சு சாம்சன் 3-வது வரிசைக்கு மாற்றப்படவுள்ளார்.

மிடில் ஆர்டரில் கேப்டன் ஸ்ரேயாஸ் ஐயர் 4-வது இடத்திலும், திலக் வர்மா 5-வது இடத்திலும் களமிறங்குவர். இவர்களுடன் ஆல்ரவுண்டர்கள் நிதிஷ் குமார் ரெட்டி, நமன் திர் மற்றும் அக்சர் படேல் ஆகியோர் பேட்டிங் வரிசையைப் பலப்படுத்துவர். பந்துவீச்சைப் பொறுத்தவரை, முதல் ஆட்டத்தில் அதிக ரன்களை வாரி வழங்கிய புவனேஸ்வர் குமார், அர்ஷ்தீப் சிங் மற்றும் மயங்க் யாதவ் கூட்டணி தங்களது தவறுகளைத் திருத்தி துல்லியமாகப் பந்துவீச முயற்சிக்கும். நியூசிலாந்தின் வேகப்பந்து ஆடுகளத்தைக் கருத்தில் கொண்டு குல்தீப் யாதவ், வருண் சக்கரவர்த்திக்கு இம்முறையும் வாய்ப்பு கிடைக்காது என்றே தெரிகிறது.

இஷான் கிஷனுக்கு பதிலாக இந்திய அணியில் புது விக்கெட் கீப்பர் சேர்ப்பு.. குமார் குஷாக்ராவுக்கு செம லக்

2-வது டி20 போட்டிக்கான இந்தியாவின் உத்தேச பிளேயிங் லெவன்: அபிஷேக் சர்மா, வைபவ் சூர்யவன்ஷி, சஞ்சு சாம்சன் (விக்கெட் கீப்பர்), ஸ்ரேயாஸ் ஐயர் (கேப்டன்), திலக் வர்மா, நிதிஷ் குமார் ரெட்டி, நமன் திர், அக்சர் படேல், புவனேஸ்வர் குமார், அர்ஷ்தீப் சிங், மயங்க் யாதவ்.