இஷான் கிஷனுக்கு பதிலாக இந்திய அணியில் புது விக்கெட் கீப்பர் சேர்ப்பு.. குமார் குஷாக்ராவுக்கு செம லக்

கிறைஸ்ட்சர்ச்: நியூசிலாந்து அணிக்கு எதிரான 5 போட்டிகள் கொண்ட சர்வதேச டி20 கிரிக்கெட் தொடரின் 2-வது போட்டிக்கு முன்னதாக, இந்திய அணியில் அதிரடி மாற்றம் செய்யப்பட்டுள்ளது. முதல் போட்டியில் காயமடைந்த விக்கெட் கீப்பர் - பேட்டர் இஷான் கிஷனுக்கு மாற்று வீரராக, ஜார்க்கண்ட் மாநிலத்தைச் சேர்ந்த 22 வயது இளம் விக்கெட் கீப்பர் குமார் குஷாக்ரா சீனியர் அணியில் அதிகாரப்பூர்வமாகச் சேர்க்கப்பட்டுள்ளார். இந்திய ஏ அணிக்காக விளையாட ஏற்கனவே கிறைஸ்ட்சர்ச்சில் இருந்ததால், அவர் உடனடியாக இந்திய அணியுடன் இணைந்துள்ளார்.

சர்வதேச டி20 போட்டிக்கான இந்திய அணியில் குமார் குஷாக்ராவுக்கு இதுவே முதல் அழைப்பாகும். குஜராத் டைட்டன்ஸ் அணிக்காக விளையாடி வரும் இவர், உள்நாட்டு கிரிக்கெட்டில் தனது அதிரடி பேட்டிங்கிற்கு பெயர் பெற்றவர். கடந்த 2022 ரஞ்சி போட்டியில் நாகாலாந்துக்கு எதிராக 266 ரன்கள் விளாசியதன் மூலம், முதல்தர கிரிக்கெட்டில் 250 ரன்களைக் கடந்த மிக இளம் வீரர் என்ற இமாலய சாதனையைப் படைத்தார். மேலும் சமீபத்திய சையத் முஷ்டாக் அலி டி20 தொடரின் இறுதிப் போட்டியில் வெறும் 38 பந்துகளில் 81 ரன்கள் குவித்து ஜார்க்கண்ட் அணி கோப்பையை வெல்ல முக்கியக் காரணமாகத் திகழ்ந்தார்.

சனிக்கிழமை நடைபெறும் 2-வது போட்டியில் குமார் குஷாக்ரா ஆடும் லெவனில் விளையாடுவது சந்தேகமே. சஞ்சு சாம்சன் முதன்மை விக்கெட் கீப்பராகச் செயல்பட உள்ள நிலையில், இஷான் கிஷன் இடத்தை நிரப்ப இளம் வீரர் வைபவ் சூர்யவன்ஷிக்கு ஆடும் லெவனில் முன்னுரிமை வழங்கப்படும் என பேட்டிங் பயிற்சியாளர் சிதான்ஷு கோடக் தெரிவித்துள்ளார். இதனால் குஷாக்ரா மாற்று விக்கெட் கீப்பராக பெஞ்சில் அமரவே அதிக வாய்ப்புள்ளது. சஞ்சு சாம்சனுக்கும் காயம் ஏற்பட்டால் குமார் குஷாக்ரா போட்டியில் ஆடும் வாய்ப்பை பெறுவார்.

IND-W vs ZIM-W: 96 பந்தில் சதம் அடித்த பிரதிகா.. ஜிம்பாப்வேயை துவம்சம் செய்த இந்திய மகளிர் அணி

2-வது டி20 போட்டிக்கான மாற்றப்பட்ட இந்திய அணி விவரம்:

ஸ்ரேயாஸ் ஐயர் (கேப்டன்), திலக் வர்மா (துணை கேப்டன்), அபிஷேக் சர்மா, சஞ்சு சாம்சன் (விக்கெட் கீப்பர்), வைபவ் சூர்யவன்ஷி, குமார் குஷாக்ரா (விக்கெட் கீப்பர்), அக்சர் படேல், சிவம் துபே, நிதிஷ் குமார் ரெட்டி, நமன் திர், பிரின்ஸ் யாதவ், மயங்க் யாதவ், அர்ஷ்தீப் சிங், புவனேஸ்வர் குமார், வருண் சக்கரவர்த்தி, குல்தீப் யாதவ்.

Also Read

இந்தியாவுக்கு 30 தங்கம் உட்பட 114 பதக்கங்கள்.. ஆசிய பாரா போட்டியில் பதக்கம் வென்றவர்கள் பட்டியல்