IND vs NZ: ஆந்திராவில் தான் புயல் உருவானது.. ஆனால் தாக்கியது நியூசிலாந்தை தான்.. EX வீரர் பாராட்டு

வெலிங்டன்: நியூசிலாந்திற்கு எதிரான மூன்றாவது டி20 போட்டியில் இந்திய அணி பெற்ற அதிரடி வெற்றி குறித்து முன்னாள் வீரர் திருமலசெட்டி சுமன் கருத்து தெரிவித்துள்ளார். இப்போட்டியில் 6 விக்கெட்டுகள் வித்தியாசத்தில் வெற்றி பெற்ற இந்திய அணி, 5 போட்டிகள் கொண்ட டி20 தொடரை 3-0 என்ற கணக்கில் கைப்பற்றியது.

நியூசிலாந்து நிர்ணயித்த 199 ரன்கள் இலக்கை இந்திய அணி வெறும் 13.2 ஓவர்களில் எட்டி சாதனை படைத்தது. இந்திய பேட்டிங்கின் அதிரடியைக் குறிப்பிட்ட சுமன், நியூசிலாந்தை ஒரு புயல் தாக்கியது போல் இருந்ததாகக் கூறினார்.

தொடக்க ஆட்டக்காரர்களான அபிஷேக் சர்மா மற்றும் வைபவ் சூர்யவன்ஷி ஆகியோரின் சிறப்பான ஆட்டத்தை சுமன் வெகுவாகப் பாராட்டினார். தனது யூடியூப் சேனலில் வெளியிட்ட வீடியோவில் பேசிய அவர், "ஆந்திராவில் புயல் வரும் என்று நாங்கள் எதிர்பார்த்தோம். ஆனால் அதைவிட பெரிய புயல் நியூசிலாந்தை தாக்கியுள்ளது."

IND vs NZ: 170 ரன்கள் கூட அடிக்க முடியாது என நினைத்தேன்..10 ஓவர் போட்டி போல் விளையாடினாங்க- EX வீரர்

"அபிஷேக்கும், வைபவ்வும் தொடக்க வீரர்களாக களமிறங்கினால் எப்படி இருக்கும் என்று யோசித்தவர்கள் இந்த போட்டியைப் பார்க்க வேண்டும். டி20 போட்டிகளில் பவர்பிளேயில் எடுக்கப்பட்ட அதிகபட்ச ரன் இதுவாகும். இது ஏதோ சாதாரணமான அல்லது திட்டமிடப்படாத அடிதடி ஆட்டம் அல்ல. மைதானத்தின் அளவுகளுக்கு ஏற்ப சிக்ஸர்களை அடிக்க திட்டமிட்டதாக போட்டிகளுக்குப் பிந்தைய பேட்டியில் அபிஷேக் குறிப்பிட்டார்."

"இவர்கள் இருவரும் மிகவும் திறமையாகவும் சாதுரியமாகவும் விளையாடி இந்த பார்ட்னர்ஷிப்பை உருவாக்கினர். வைபவ் ஆட்டமிழந்த பிறகும் அபிஷேக் தனது அதிரடியை நிறுத்தவில்லை. இது ஒரு முழுமையான போட்டி போலத் தெரியவில்லை, ஹைலைட்ஸ் பார்ப்பது போல் இருந்தது. இந்தியா முதலில் பேட்டிங் செய்யாதது நல்ல வேளை என்று நியூசிலாந்து வீரர்கள் நினைப்பார்கள். ஒருவேளை இந்தியா முதலில் பேட்டிங் செய்திருந்தால் என்ன ஆகியிருக்கும் என்று யோசித்துப்பாருங்கள்" என்று தெரிவித்தார்.

Also Read

IND vs NZ: 10 ஆயிரம் வாலா பட்டாசு.. தீபாவளியை முன்கூட்டியே அபிஷேக், சூர்யவன்ஷி கொண்டாடிட்டாங்க-ரமேஷ்

இந்தப் போட்டியில் அதிரடியாக விளையாடிய அபிஷேக் சர்மா தனது 4-வது டி20 சதத்தைப் பதிவு செய்தார். அவர் வெறும் 38 பந்துகளில் 9 பவுண்டரிகள் மற்றும் 11 சிக்ஸர்களுடன் 113 ரன்கள் குவித்தார். வைபவ் சூர்யவன்ஷி 19 பந்துகளில் 4 பவுண்டரிகள் மற்றும் 4 சிக்ஸர்களுடன் 45 ரன்கள் எடுத்தார். இந்த தொடக்க ஜோடி முதல் விக்கெட்டுக்கு 7.1 ஓவர்களில் 133 ரன்கள் சேர்த்து வலுவான அடித்தளம் அமைத்தது.