IND vs NZ: 25 வயது வீரர் சேர்க்கப்பட்டதால், இந்திய அணி பலம் மேலும் அதிகரிக்கும்.. EX வீரர் பாராட்டு

மும்பை: நியூசிலாந்துக்கு எதிரான இரண்டு போட்டிகள் கொண்ட டெஸ்ட் தொடரில் துருவ் ஜூரல் சேர்க்கப்பட்டதற்கு முன்னாள் வீரர் சஞ்சய் பங்கர் வெகுவாகப் பாராட்டியுள்ளார். 2024-ஆம் ஆண்டு இங்கிலாந்துக்கு எதிரான தொடரில் அறிமுகமான துருவ் ஜூரல், ஆரம்பத்தில் சில தடுமாற்றங்களைச் சந்தித்தாலும், இலங்கைக்கு எதிரான டெஸ்ட் தொடரில் ஒரு சிறப்பு பேட்டராகச் சிறப்பாகச் செயல்பட்டு தனது திறமையை நிருபித்துள்ளார்.

இலங்கைக்கு எதிரான தொடரில் இந்தியா 1-0 என வெற்றி பெற ஜூரலின் பங்களிப்பு முக்கியமாக இருந்தது. அந்தத் தொடரில் அவர் ஒரு சதமும் ஒரு அரைசதமும் உட்பட 86.50 சராசரியுடன் 173 ரன்கள் குவித்தார். இதுவரை 12 டெஸ்ட் போட்டிகளில் விளையாடியுள்ள ஜூரல், 40.68 சராசரியுடன் 2 சதங்கள் மற்றும் 2 அரைசதங்களை விளாசியுள்ளார்.

இந்திய அணியின் பேட்டிங் வரிசை குறித்துப் பேசிய சஞ்சய் பாங்கர், "ரோஹித் சர்மா மற்றும் விராட் கோலி இல்லாத சூழலில், அணி நிலைபெற சிறிது காலம் எடுத்தது இயல்பானதுதான். ஆனால் இப்போது பேட்டிங் வரிசை நன்றாக அமைந்துவிட்டது. துருவ் ஜூரலின் சேர்க்கை அணிக்கு பலம் சேர்த்துள்ளது. சிறப்பு பேட்டராக மட்டுமே களம் இறங்கியபோதும் அவர் மிகச் சிறப்பாக பேட்டிங் செய்துள்ளார்" என்று தெரிவித்துள்ளார்.

IND vs WI: இந்த அணியை வைத்து தான் 2 போட்டியை வென்றோம்.. பதற்றம் வேண்டாம்-அபிஷேக் கருத்து

உலக டெஸ்ட் சாம்பியன்ஷிப் புள்ளிப்பட்டியலில் தற்போது 5-வது இடத்தில் இருக்கும் இந்திய அணிக்கு, நியூசிலாந்துக்கு எதிரான டெஸ்ட் தொடர் மிக முக்கியமானதாகும். நியூசிலாந்து மைதானங்களில் 7 மற்றும் 8-வது இடங்களில் களமிறங்கும் ஆல்ரவுண்டர்களின் பங்கே அணியின் வெற்றிக்குத் தீர்க்கமானதாக இருக்கும் என்று பாங்கர் நம்புகிறார்.

இது குறித்து பேசிய அவர், "களமிறங்க வாய்ப்புள்ள முதல் 6 பேட்டர்களும் அனைத்து வகையான சூழல்களிலும் சிறப்பாக விளையாடிய அனுபவம் கொண்டவர்கள். 7-வது இடத்தில் ரவீந்திர ஜடேஜா விளையாடினால், அவருடன் 4 வேகப்பந்து வீச்சாளர்கள் அல்லது 3 வேகப்பந்து வீச்சாளர்களுடன் ஒரு வேகப்பந்து வீச்சு ஆல்ரவுண்டர் களமிறக்கப்படலாம்.

Also Read

IND vs WI: 5வது டி20யில் புவனேஸ்வர் குமார் சேர்ப்பு.. ஆர்ஸ்தீப் காயம் காரணமாக பிசிசிஐ நடவடிக்கை

எனவே, 7 மற்றும் 8-வது இடங்கள், குறிப்பாக வேகப்பந்து வீச்சு ஆல்ரவுண்டரின் பங்கு நியூசிலாந்து தொடரில் இந்திய அணிக்கு மிகவும் முக்கியமானதாக இருக்கும்" எனக் கூறினார். நடப்பு உலக டெஸ்ட் சாம்பியன்ஷிப் சைக்கிளில், நியூசிலாந்து தொடருக்குப் பிறகு இந்திய அணிக்கு தாயகத்தில் ஆஸ்திரேலியாவுக்கு எதிரான தொடர் மட்டுமே எஞ்சியுள்ளது. இந்தியா - நியூசிலாந்து இடையேயான முதலாவது டெஸ்ட் போட்டி நவம்பர் 19-ஆம் தேதி வெலிங்டனில் தொடங்குகிறது.