IND vs WI: இந்த அணியை வைத்து தான் 2 போட்டியை வென்றோம்.. பதற்றம் வேண்டாம்-அபிஷேக் கருத்து

மும்பை: வெஸ்ட் இண்டீஸ் அணிக்கு எதிரான நான்காவது போட்டியில் பவர்பிளே ஓவர்களில் போதிய வாய்ப்பு கிடைக்காதது குறித்து அபிஷேக் சர்மா கவலைப்படத் தேவையில்லை என்று இந்திய அணியின் முன்னாள் ஆல்ரவுண்டர் அபிஷேக் நாயர் தெரிவித்துள்ளார். எனினும், களத்தில் நிலைத்து நின்ற பிறகு இடதுகை சுழற்பந்து வீச்சாளரின் பந்தில் ஆட்டமிழந்தது குறித்து அவர் சுயபரிசீலனை செய்ய வேண்டும் என்றும் நாயர் சுட்டிக்காட்டியுள்ளார்.

ஹைதராபாத்தில் நடைபெற்ற நான்காவது டி20 போட்டியில் வெஸ்ட் இண்டீஸ் அணி நிர்ணயித்த 248 ரன்கள் என்ற இலக்கை துரத்திய இந்திய அணி, 223 ரன்களுக்கு அனைத்து விக்கெட்டுகளையும் இழந்து 24 ரன்கள் வித்தியாசத்தில் தோல்வியடைந்தது. இந்தப் போட்டியில் 26 வயதான அபிஷேக் சர்மா 24 பந்துகளில் 29 ரன்கள் எடுத்தார். இதில் பவர்பிளே ஓவர்களில் அவர் வெறும் 8 பந்துகளை மட்டுமே எதிர்கொண்டார்.

இது குறித்து பேசிய அபிஷேக் நாயர், டி20 கிரிக்கெட்டில் ஒரு வீரர் அதிரடியாக ஆடும்போது மற்றொரு வீரர் அவருக்கு ஒத்துழைப்பு அளிப்பது இயல்பான ஒன்று என்றார். இஷான் கிஷன், சஞ்சு சாம்சன் அல்லது ஸ்ரேயாஸ் அய்யர் போன்ற வீரர்கள் நல்ல ஃபார்மில் இருக்கும்போது, அணியின் நலனைக் கருதி மற்றொரு வீரர் நிதானமாக ஆட வேண்டியிருக்கும் என்று அவர் குறிப்பிட்டார்.

IND vs WI: இந்திய அணியில் இவர் இருந்திருந்தால், ஆட்டத்தை தனி வீரராக மாற்றியிருப்பார்-வசீம் ஜாபர்

"அபிஷேக் சர்மா ஏமாற்றம் அடைந்திருப்பார். ஏனெனில், களத்தில் நிலைத்துவிட்ட பிறகு இடதுகை சுழற்பந்து வீச்சாளர்களின் பந்துவீச்சை அவர் வழக்கமாக துவம்சம் செய்வார். குடாகேஷ் மோட்டியின் பந்துவீச்சில் அவர் ஆட்டமிழந்த விதம் குறித்து நிச்சயமாக சிந்திப்பார். அடுத்த போட்டியில் அவர் மேலும் வலுவாக மீண்டு வருவார்" என்று நம்பிக்கை தெரிவித்தார்.

பெங்களூரில் நடைபெறும் ஐந்தாவது டி20 போட்டியில் இந்திய அணி செய்ய வேண்டிய மாற்றங்கள் குறித்துப் பேசிய முன்னாள் உதவிப் பயிற்சியாளர் நாயர், அணி நிர்வாகம் பதற்றமடைய வேண்டியதில்லை என்றும் எளிமையான திட்டங்களைப் பின்பற்ற வேண்டும் என்றும் கூறினார். இதே அணியைக் கொண்டு இந்திய அணி தொடரில் இரண்டு போட்டிகளில் வெற்றி பெற்றுள்ளதை நினைவில் கொள்ள வேண்டும் என்றும் அவர் தெரிவித்தார்.

Also Read

IND vs WI: 5வது டி20யில் இந்திய அணியின் பிளேயிங் லெவன்.. 2 மாற்றம் செய்ய வாய்ப்பு

வெஸ்ட் இண்டீஸ் கேப்டன் ஷாய் ஹோப் நான்காவது போட்டியில் 50 பந்துகளில் ஆட்டமிழக்காமல் 102 ரன்கள் விளாசியதுடன், இந்தத் தொடரில் 4 இன்னிங்ஸ்களில் 190.51 ஸ்ட்ரைக் ரேட்டுடன் 261 ரன்கள் குவித்துள்ளார். எனவே, ஷாய் ஹோப்பின் விக்கெட்டை சீக்கிரம் வீழ்த்துவதற்கும், பவர்பிளே ஓவர்களில் வெஸ்ட் இண்டீஸ் அணியின் ரன் குவிப்பைக் கட்டுப்படுத்துவதற்கும் இந்திய அணி நிர்வாகம் சரியான திட்டங்களை வகுக்க வேண்டும் என்று அபிஷேக் நாயர் வலியுறுத்தினார்.