IND vs NZ: இந்திய அணி பேட்டர்களை பாராட்டும் பலரும், பவுலர்களை ஏன் கண்டுகொள்வதில்லை- பிஸ்லா கேள்வி

வெலிங்டன்: நியூசிலாந்திற்கு எதிரான டி20 தொடரை கைப்பற்றிய இந்திய அணியின் வெற்றிக்கு, பேட்டர்களை போல் பந்துவீச்சாளர்களையும் பாராட்ட வேண்டும் என்று ஆர்சிபி அணியின் முன்னாள் வீரர் மன்விந்தர் பிஸ்லா தெரிவித்துள்ளார். நவீன டி20 கிரிக்கெட்டில் ஒரு ஓவருக்கு 10 ரன்கள் விட்டுக்கொடுப்பது தோல்வியாகக் கருதப்பட முடியாது என்றும் அவர் கூறியுள்ளார்.

மூன்றாவது டி20 போட்டியில் நியூசிலாந்து அணி 20 ஓவர்களில் 198/3 ரன்கள் எடுத்தது. இதில் அர்ஷ்தீப் சிங் 1/33, அக்சர் படேல் 1/36, நிதிஷ் குமார் ரெட்டி 1/38 என விக்கெட்டுகளைக் கைப்பற்றினர். புவனேஷ்வர் குமார் 40 ரன்கள், பிரின்ஸ் யாதவ் 44 ரன்கள் கொடுத்து விக்கெட் எதுவும் எடுக்கவில்லை. நியூசிலாந்து அணி ஓவருக்கு 9.90 என்ற ரன் விகிதத்தில் ரன்களை குவித்தது.

இது குறித்து தனது இன்ஸ்டாகிராம் பக்கத்தில் கருத்து தெரிவித்துள்ள பிஸ்லா, "சதம் அடிக்கும் பேட்டர்களை மட்டுமே நாம் எப்போதும் பாராட்டுகிறோம். ஆனால் ஐந்து விக்கெட்டுகளைக் கைப்பற்றாத பந்துவீச்சாளர்களைப் பற்றி நாம் பேசுவதே இல்லை. இந்த நிலையைத் தாண்டி நாம் சிந்திக்க வேண்டும். புதிய மாற்றங்களை புரிந்துகொள்வது அவசியம். இந்தத் தொடரில் இந்திய பந்துவீச்சாளர்களும் மிகச் சிறப்பாகவே செயல்பட்டுள்ளனர்" என்று குறிப்பிட்டுள்ளார்.

IND vs NZ: 10 ஆயிரம் வாலா பட்டாசு.. தீபாவளியை முன்கூட்டியே அபிஷேக், சூர்யவன்ஷி கொண்டாடிட்டாங்க-ரமேஷ்

இந்தத் தொடரின் மூன்று போட்டிகளில் இந்தியா 60 ஓவர்களில் 603 ரன்களை விட்டுக்கொடுத்துள்ளது . கிறைஸ்ட்சர்ச்சில் நடந்த போட்டிகளில் நியூசிலாந்து 225/4 மற்றும் 180/5 ரன்களையும், வெலிங்டனில் 198/3 ரன்களையும் எடுத்தது. இந்த இலக்குகள் அனைத்தையும் இந்தியா வெற்றிகரமாக சேஸ் செய்தது. டி20 போட்டிகளில் தற்போது 210, 220 ரன்கள் என்பது சாதாரண விஷயமாகிவிட்டதாகவும், நியூசிலாந்து அணியைக் கட்டுப்படுத்தியதற்காக பேட்டர்களுக்கு இணையான பெருமையை பந்துவீச்சாளர்களுக்கும் வழங்க வேண்டும் என்றும் பிஸ்லா வலியுறுத்தினார்.

Also Read

IND vs NZ: ஆந்திராவில் தான் புயல் உருவானது.. ஆனால் தாக்கியது நியூசிலாந்தை தான்.. EX வீரர் பாராட்டு

"அபிஷேக் சர்மா போட்டியைத் தானே முடித்து வைத்தார். அவரும் சூர்யவன்ஷியும் இணைந்து பவர்பிளே ஓவர்களிலேயே ஆட்டத்தை முடித்துவிட்டனர்" என்று பிஸ்லா தெரிவித்தார். முதல் 5 ஓவர்களிலேயே இந்தியா 100 ரன்களை எட்டியதால், மீதமுள்ள இலக்கை எட்டுவது மிக எளிதான ஒன்றாக மாறியது.இந்தியா தற்போது தொடரில் 3-0 என முன்னிலை வகிக்கும் நிலையில், நான்காவது டி20 போட்டி ஆக்லாந்தில் உள்ள ஈடன் பார்க் மைதானத்தில் வெள்ளிக்கிழமை நடைபெறவுள்ளது.