IND vs NZ: 2 போட்டியில் 99 ரன்கள் விட்டு கொடுத்த புவனேஸ்வர் குமார்.. மோர்னே மோர்கல் வார்னிங்

மும்பை: நியூசிலாந்துக்கு எதிரான டி20 தொடரின் முதல் இரண்டு போட்டிகளில் 99 ரன்களை விட்டுக்கொடுத்த வேகப்பந்து வீச்சாளர் புவனேஷ்வர் குமாருக்கு, எதிர்பார்ப்புகளையும் விமர்சனங்களையும் புறந்தள்ளி தனது இயல்பான ஆட்டத்தில் கவனம் செலுத்துமாறு இந்திய அணியின் பந்துவீச்சு பயிற்றுநர் மோர்னே மோர்கல் அறிவுறுத்தியுள்ளார்.

இந்திய டி20 அணிக்கு மீண்டும் திரும்பியுள்ள 36 வயதான புவனேஷ்வர் குமார், நியூசிலாந்துக்கு எதிரான தொடரின் முதல் இரு போட்டிகளில் 8 ஓவர்கள் வீசி 99 ரன்களை விட்டுக்கொடுத்து, 1 விக்கெட்டை மட்டுமே வீழ்த்தியுள்ளார். இவரது எகானமி 12.37 ஆக உள்ளது.

நான்கு ஆண்டுகளுக்குப் பிறகு மீண்டும் இந்திய டி20 அணிக்கு திரும்பியுள்ள புவனேஷ்வர் குமார் குறித்து பேசிய மோர்கல், "நான்கு ஆண்டுகளுக்குப் பிறகு சர்வதேச போட்டிக்குத் திரும்பும்போது எதிர்பார்ப்புகள் அதிகளவில் இருப்பது இயல்பு. ஐபிஎல் தொடரில் அவர் சிறப்பாக பந்துவீசியுள்ளார்," என்று தெரிவித்தார்.

" width="200" height="113">

IND vs NZ: கம்பீர் இந்த தவறை செய்தால், 2 வீரர்களின் நம்பிக்கையே பாதித்துவிடும்..ஆகாஷ் சோப்ரா கருத்து

"எதிர்பார்ப்புகளை தள்ளி வைப்பதே அவருக்கு இருக்கும் சவால். சர்வதேச கிரிக்கெட்டில் சிறிய தவறுகளுக்கும் பெரிய வாய்ப்புகள் கைநழுவக்கூடும். போட்டி அட்டவணை காரணமாக குறைவான பயிற்சிகளுடனே அவர் தயாராக வேண்டியிருந்தது," எனக் குறிப்பிட்டார்.

ராயல் சேலஞ்சர்ஸ் பெங்களூரு அணிக்காக 2025 சீசனில் 17 விக்கெட்டுகளையும், 2026 சீசனில் 28 விக்கெட்டுகளையும் வீழ்த்தி அணி கோப்பையை வெல்ல முக்கியப் பங்காற்றியதன் மூலம் புவனேஷ்வர் குமார் மீண்டும் இந்திய அணிக்குத் தேர்வானார்.

Also Read

IND vs NZ: இந்திய அணிக்கு கிடைத்த வைரம் இவர்.. 2 பேர் ஆட்டத்தை தான் எதிர்பார்க்கிறேன்.. ரஹானே

அவரது திறமை குறித்துப் பேசிய மோர்கல், "அவரிடம் திறமையும் அனுபவமும் முழுமையாக உள்ளது. சர்வதேச போட்டிகளின் வேகத்திற்கு ஏற்ப தன்னை மீட்டெடுக்க அவருக்கு சில போட்டிகள் தேவைப்படும். வெளிப்புற சத்தங்களைக் கேட்காமல், தனது சொந்த திறமையின் மீது கவனம் செலுத்தி விளையாட வேண்டும் என்பதே அவருக்கு நாங்கள் அளித்துள்ள விசயமாகும்," என்று கூறினார்.