IND vs NZ: "ஹோட்டல் பில்டிங்கே ஆடுது".. இந்திய அணிக்கு புதிய பிரச்சனை.. மோர்னே மோர்கல் வார்னிங்

வெலிங்டன்: நியூசிலாந்து அணிக்கு எதிரான 5 போட்டிகள் கொண்ட டி20 கிரிக்கெட் தொடரின் 3-வது போட்டிக்கு முன்னதாக, இந்திய வீரர்களுக்கு மிகப்பெரிய அச்சுறுத்தல் ஒன்று உருவாகி இருக்கிறது. கிறைஸ்ட்சர்ச் மைதானத்தில் நடைபெற்ற முதல் இரண்டு போட்டிகளிலும் வெற்றி பெற்ற இந்திய அணி தொடரில் 2-0 என்ற கணக்கில் வலுவான முன்னிலை வகிக்கிறது. இந்நிலையில், வெலிங்டன் நகரில் வீசும் பலத்த சூறாவளி காற்று ஒரு வித்தியாசமான மிருகம் போன்றது என்றும், தங்கியிருந்த ஹோட்டல் கட்டிடமே அதிரும் அளவுக்கு காற்று வீசுவதாகவும் இந்திய அணியின் பந்துவீச்சு பயிற்சியாளர் மோர்னே மோர்கல் சுட்டிக்காட்டி இருக்கிறார்.

செய்தியாளர் சந்திப்பில் பேசிய மோர்னே மோர்கல், "வெலிங்டனில் வீசும் காற்று முற்றிலும் வேறுபட்ட ஒரு மிருகம். இன்று காலையில் நான் தங்கியிருந்த ஹோட்டல் அறையே பலத்த காற்றின் வேகத்தால் அதிர்ந்து குலுங்கியது. இந்த குறுகிய காலத்தில் எங்கள் வீரர்கள் இதற்குப் பழகிக்கொள்ள வேண்டும். காற்றுக்கு சாதகமான திசையில் மட்டுமே அனைவரும் பந்துவீச முடியாது. யாராவது ஒரு பந்துவீச்சாளர் தைரியமாக முன்வந்து, காற்றுக்கு எதிராக நின்று துல்லியமாகப் பந்துவீச வேண்டிய கட்டாயம் உள்ளது. இதற்காக நாங்கள் எந்தக் காரணத்தையும் சாக்காகச் சொல்லப் போவதில்லை; சவாலை நேருக்கு நேர் சந்திப்போம்" என்றார்.

இந்தியாவில் இருக்கும் டெஸ்ட் வீரர்களுடன் தொலைபேசியில் பேசியதை நினைவுகூர்ந்த மோர்கல், "அங்குள்ள சூழல் எப்படி இருக்கிறது என்று அவர்கள் என்னிடம் கேட்டனர். அதற்கு நான், வீட்டில் ஒரு பெரிய மின்விசிறியை வேகமாக ஓடவிட்டு, அதற்கு எதிரே நடந்து சென்று பயிற்சி செய்யுங்கள் என்று நகைச்சுவையாகக் கூறினேன். வெறும் 2 அல்லது 4 நாள்களில் இந்த விசித்திர காற்றுக்கு யாராலும் பழகிவிட முடியாது. ஆனால் மனதளவில் இதனை ஒரு வாய்ப்பாகப் பார்க்க வேண்டும். அடுத்து இங்கு நடைபெறவுள்ள டெஸ்ட் போட்டிக்கும் இது சிறந்த முன்னோட்டமாக அமையும்" என்று குறிப்பிட்டார்.

"ரோஹித் சர்மாதான் அடுத்த கேப்டன்".. மும்பை இந்தியன்ஸ் அணி குறித்து அஸ்வின் அதிரடி கணிப்பு

பயிற்சியின் போது காற்றின் வேகத்தைக் கணித்து, அதற்கு ஏற்ப பந்துகளை வீசுவதே இந்திய பவுலர்களின் முக்கிய இலக்காக இருக்கும். இந்த இயற்கை சவாலையும் முறியடித்து, 3-வது போட்டியிலும் வென்று தொடரைக் கைப்பற்ற இந்திய அணி முயற்சிக்கும்.