IND vs NZ: சஞ்சு சாம்சன் பேட்டிங்கில் தவறு இருக்கு.. இதை சரி செய்தால் ரன் கிடைக்கும்- விஹாரி கருத்து

ஆக்லாந்து: நியூசிலாந்துக்கு எதிரான ஐந்தாவது டி20 போட்டியில் இந்திய அணி 7 விக்கெட்டுகள் வித்தியாசத்தில் தோல்வியடைந்தது. இருப்பினும், 5 போட்டிகள் கொண்ட தொடரை 3-2 என்ற கணக்கில் இந்தியா கைப்பற்றியது. இப்போட்டியில் முதலில் பேட்டிங் செய்த இந்திய அணி 8 விக்கெட் இழப்பிற்கு 191 ரன்கள் எடுத்தது. இந்த இலக்கை நியூசிலாந்து அணி 18 ஓவர்களிலேயே எட்டி வெற்றி பெற்றது.

இப்போட்டியில் இந்திய தொடக்க ஆட்டக்காரர்களான அபிஷேக் சர்மா 1 ரன்னிலும், சஞ்சு சாம்சன் 4 ரன்களிலும் ஆட்டமிழந்தனர். சஞ்சு சாம்சனின் பேட்டிங் நுட்பம் குறித்து சன்ரைசர்ஸ் ஹைதராபாத் அணியின் முன்னாள் வீரர் ஹனுமா விஹாரி தனது யூடியூப் சேனலில் விமர்சித்துள்ளார்.

"இந்திய அணி டாஸ் தோற்றது ஒரு பெரிய வித்தியாசத்தை ஏற்படுத்தியது. ஆரம்பத்தில் பந்து ஆடுகளத்தில் நகர்ந்தது. அபிஷேக் அவசரப்பட்டு ஷாட் ஆடியதால் பந்து பேட்டின் கீழ் பகுதியில் பட்டது. ஹேமில்டனில் வீசிய காற்றும் ஆடம் மில்னேவின் ஆரம்பகட்ட ஸ்விங்கிற்கு உதவியது. சாம்சன் க்ரீஸுக்குள் நின்று பந்தை ஸ்விங் செய்ய விடுகிறார். அவர் பந்தின் லைனுக்கு குறுக்கே விளையாட முயன்றிருக்கக் கூடாது" என்று விஹாரி கூறினார்.

IND vs NZ: கம்பீர் செய்தது முட்டாள்தனம்.. வைபவ் சூர்யவன்ஷியை நீக்கியது ஏன்? ஸ்ரீகாந்த் கேள்வி

அபிஷேக்கிற்கு இது அரிதான தோல்வி என்றாலும், சஞ்சு சாம்சன் இத்தொடரில் மீண்டும் சீரற்ற ஆட்டத்தையே வெளிப்படுத்தினார் என்று விஹாரி குறிப்பிட்டார். இப்போட்டியில் அக்ஷர் படேலுக்குப் பதிலாக விளையாடிய சுழற்பந்து வீச்சாளர் வருண் சக்கரவர்த்தி, 4 ஓவர்களில் 45 ரன்கள் விட்டுக்கொடுத்து 1 விக்கெட் மட்டுமே வீழ்த்தினார்.

"வருண் முதல் இரண்டு ஓவர்களில் சரியாக வீசினார், ஆனால் பிலிப்ஸ் அவரை இலக்கு வைத்து ரன்கள் அடித்தார். ஒரே வேகத்தில் பந்துவீசும்போது ஆடுகளத்தில் பந்து திரும்பவில்லை என்றால் அவர் எளிதில் ரன்கள் விட்டுக்கொடுக்கும் நிலைக்குத் தள்ளப்படுகிறார்" என்று விஹாரி தெரிவித்தார்.சஞ்சு சாம்சன் இத்தொடரில் 5 போட்டிகளில் விளையாடி, 21.40 சராசரி மற்றும் 142.66 ஸ்ட்ரைக் ரேட்டுடன் ஒரு அரைசதம் உட்பட மொத்தம் 107 ரன்கள் மட்டுமே எடுத்தார்.

Also Read

IND vs NZ: இந்திய அணி பிளேயிங் லெவனில் 3 ஆல்ரவுண்டர்.. முதல் ஒருநாள் போட்டி குறித்து அஸ்வின் கருத்து

அதேவேளையில், இந்த டி20 தொடரில் இந்திய அணிக்கு கிடைத்த சில பாசிட்டிவ் அம்சங்கள் குறித்தும் ஹனுமா விஹாரி பேசினார். அபிஷேக் சர்மா, ஸ்ரேயாஸ் ஐயர், திலக் வர்மா மற்றும் நமன் தீர் ஆகியோர் பேட்டிங்கில் சிறப்பாக செயல்பட்டதாக அவர் தெரிவித்தார். குறைந்த வாய்ப்புகளில் திறமையை வெளிப்படுத்திய வைபவ் சூர்யவன்சியையும் அவர் பாராட்டினார்.