இந்திய அணிக்கு ஆப்படிக்க பயங்கர வேலை பார்த்த அறிமுக வீரர்.. ஒரே ஓவரில் 2 விக்கெட் எடுத்த ரகசியம்!

இந்தியா படுதோல்வி

மூன்றாவது டி20 போட்டியில் இந்திய அணி 9 விக்கெட் வித்தியாசத்தில் படுதோல்வி அடைந்தது. இந்தப் போட்டியில், தென்னாப்பிரிக்க அணியின் இளம் சுழற் பந்துவீச்சாளர் ஜோர்ன் அபாரமாக செயல்பட்டு 2 விக்கெட்கள் வீழ்த்தினார்.

மிடில் ஆர்டர் விக்கெட்கள்

இந்திய அணியின் மிடில் ஆர்டர் பேட்ஸ்மேன்கள் ரிஷப் பண்ட் மற்றும் ஸ்ரேயாஸ் ஐயரை ஒரே ஓவரில் வீழ்த்தினார் ஜோர்ன். இந்தியா 92 ரன்களுக்கு 5 விக்கெட்கள் இழந்து தவித்து வந்தது. அதன் பின் இந்தியா 134 ரன்கள் மட்டுமே எடுத்தது.

அறிமுக வீரர்

இந்திய அணியை மிடில் ஆர்டரில் தடுமாற வைத்தார் ஜோர்ன். இந்த டி20 தொடர் தான் அவரது அறிமுக டி20 தொடர் ஆகும். இரண்டு டி20 போட்டிகளில் ஆடிய அவர் 3 விக்கெட்கள் வீழ்த்தி இருக்கிறார்.

ஜடேஜா தான் காரணம்

அவரது இந்த சிறப்பான செயல்பாடுகளுக்கு பின்னே இருப்பது இந்திய சுழற் பந்துவீச்சாளர் ஜடேஜா தான் என கருதப்படுகிறது. ஜடேஜாவின் பந்துவீச்சு வீடியோக்களை பார்த்து தான் ஜோர்ன் பயிற்சி எடுத்து இருப்பதாக ஒரு ஆதாரத்தை காட்டுகிறார் ஒரு ரசிகர்.

ட்விட்டர் குறிப்பு

ஜோர்ன் கடந்த சில நாட்களுக்கு முன்பு, ட்விட்டரில் ஒரு கிரிக்கெட் ரசிகரின் பதிவுகளை தொடர்ந்து லைக் செய்துள்ளார். அதில் ஜோர்ன் இந்திய அணிக்கு எதிராக எப்படி சிறப்பாக செயல்படலாம் என்பது பற்றி குறிப்புகள் கொடுக்கப்பட்டுள்ளது.

யோசனைகள்

அதில் முக்கியமாக ஒரு பதிவில், ஜடேஜாவின் பந்துவீச்சு வீடியோக்களை பாருங்கள், அவர் எப்படி விக்கெட் எடுக்கிறார், எந்த ஆங்கிளில் பந்து வீசுகிறார், எத்தனை வேகத்தில் வீசுகிறார், கிரீஸில் எங்கே இருந்து பந்து வீசுகிறார், எங்கே பீல்டிங் நிறுத்துகிறார் என பாருங்கள் பின் அவற்றை போட்டிகளில் பயன்படுத்திப் பாருங்கள் என கூறப்பட்டு இருக்கிறது.

பயங்கர வேலை

இந்த பதிவுகள் செப்டம்பர் 3 அன்று பதிவிடப்பட்டு இருக்கிறது. அன்று இதை லைக் செய்துள்ள ஜோர்ன் நிச்சயம் இவற்றை பரிசோதித்து பார்த்து இருப்பார் என்பதில் சந்தேகமில்லை. இந்திய வீரரை வைத்தே இந்திய அணியை திணற வைத்துள்ளார் ஜோர்ன்.